ଲକ୍ଷ୍ନୌ,୭ ।୨: ଉତ୍ତର ପ୍ରଦେଶ ବିଧାନସଭା ନିର୍ବାଚନ ତାରିଖ ପାଖେଇ ଆସିଲାଣି । ଇତିମଧ୍ୟରେ ଉପ ମୁଖ୍ୟମନ୍ତ୍ରୀ ତଥା ଭାରତୀୟ ଜନତା ପାର୍ଟି(ଭାଜପା)ର ବରିଷ୍ଠ ନେତା ଦିନେଶ ଶର୍ମା ‘ବ୍ରାହ୍ମଣ’ର ଅର୍ଥ ବୁଝାଇ ଆସିଛନ୍ତି ଚର୍ଚ୍ଚାକୁ । ସେ କହିଛନ୍ତି ବ୍ରାହ୍ମଣ ଏକ ଜାତି ନୁହେଁ ବରଂ ଜୀବନ ଜିଇଁବାର ଏକ ମାଧ୍ୟମ । ଗୌତମ ବୁଦ୍ଧ ନଗର ଜିଲାର ଜେବରରେ ଏକ ଜନସଭାକୁ ସମ୍ବୋଧନ ଦେବା ଅବସରରେ ସେ ‘ଜାତିବାଦ’କୁ ନେଇ ବିରୋଧୀଙ୍କର ଆଲୋଚନା କରିଛନ୍ତି । ତେବେ ସେ ଭେଦଭାବ ବିନା ସମସ୍ତଙ୍କ ପାଇଁ କାମ କରିବାକୁ ପ୍ରସ୍ତୁତ ବୋଲି କହିଛନ୍ତି ।
ସୂଚନାଯୋଗ୍ୟ, ଜେବରର ଭାଜପା ପ୍ରାର୍ଥୀ ଧିରେନ୍ଦ୍ର ସିଂଙ୍କ ପାଇଁ ସେ ପ୍ରଚାର କରୁଥିବା ବେଳେ କହିଥିଲେ ବିଧାନସଭା ନିର୍ବାଚନ ପାଇଁ ସେ ସାରା ରାଜ୍ୟ ଯାତ୍ରା କରୁଛନ୍ତି । ସବୁଠି ତାଙ୍କୁ ବ୍ରାହ୍ମଣବାଦକୁ ନେଇ ତାଙ୍କର ବିଚାର ଓ ଜାତିବାଦକୁ ନେଇ ଦଳର ଚିନ୍ତାଧାରା ସମ୍ପର୍କରେ ପ୍ରଶ୍ନ କରାଯାଉଛି । ହେଲେ ମୁଁ କହୁଛି ଭାଜପା ‘ସବକା ସାଥ ସବକା ବିକାଶ’ ଚାହେଁ । ସମସ୍ତ ଜାତିର ନିଜ ନିଜର ଭିନ୍ନ ମହତ୍ୱ ରହିଛି ସେଥିପାଇଁ ଆମ ନିକଟରେ ସମସ୍ତଙ୍କର ସମର୍ଥନ ରହିଛି । ତେବେ ମୁଁ ଜଣେ ବ୍ରାହ୍ମଣ ଭାବେ ନିଜକୁ ଗର୍ବ କରେ ।