ବେଙ୍ଗାଲୁରୁ,୨୪।୧୧ :କର୍ନାଟକର ଶିମୋଗା ଜିଲାର ଜଣେ ଶିକ୍ଷକଙ୍କ ବେଆଇନ କାର୍ଯ୍ୟ ସାମ୍ନାକୁ ଆସିଛି। ଏଠାରେ ସରକାରୀ ବିଦ୍ୟାଳୟର ଶିକ୍ଷକ ଜଣେ ବ୍ରାହ୍ମଣ ନାବାଳିକା ଛାତ୍ରୀଙ୍କୁ ଜବରଦସ୍ତ ଅଣ୍ଡା ଦେଇଥିବାର ଅଭିଯୋଗ ହୋଇଛି। ଏହି କାରଣରୁ ତାଙ୍କ ସ୍ବାସ୍ଥ୍ୟ ଅବସ୍ଥା ବିଗିଡି ଯାଇଥିଲା। ଏହି ପରିପ୍ରେକ୍ଷୀରେ ଛାତ୍ରୀଙ୍କ ପିତା କହିଛନ୍ତି ତାଙ୍କ ଏନେଇ ଝିଅ ମାନସିକ ସ୍ତରରେ ଆଘାତ ପାଇଛି। ପିତା ଶ୍ରୀକାନ୍ତ ଶିବାମୋଗା ଡିଡିପିଆଇ ସିଆର ପରମେଶ୍ୱରପ୍ପାଙ୍କ ନିକଟରେ ଅଭିଯୋଗ କରିଛନ୍ତି।ନାବାଳିକା ଜଣକ ଶିବାମୋଗାର ଗାର୍ଟିକେରେ ନିକଟ କାମମାଚି ଗାଁର କର୍ନାଟକ ପବ୍ଲିକ ସ୍କୁଲର ଦ୍ୱିତୀୟ ଶ୍ରେଣୀ ଛାତ୍ରୀ। ତାଙ୍କ ପିତା ମଧ୍ୟ ସେହି ବିଦ୍ୟାଳୟରେ ଶିକ୍ଷକ ଅଛନ୍ତି।
ଜଣେ ସାତ ବର୍ଷର ଝିଅ ତାଙ୍କ ବାପାଙ୍କ ନିକଟରେ ଅଭିଯୋଗ କରିଥିଲେ ତାଙ୍କ ଶିକ୍ଷକ ତାଙ୍କୁ କହିଥିଲେ ଭଲ ସ୍ବାସ୍ଥ୍ୟ ପାଇଁ ଅଣ୍ଡା ଜରୁରୀ ଅଟେ। ଶ୍ରୀକାନ୍ତ କହିଛନ୍ତି ତାଙ୍କ ଝିଅ କେବେବି ଆମିଷ ଖାଦ୍ୟ ଖାଇ ନାହିଁ। କିନ୍ତୁ ଦୁଇ ଦିନ ପୂର୍ବେ ସେ ଅଣ୍ଡା ଖାଇବାକୁ ବାଧ୍ୟ ହୋଇଥିଲା। ସେ ବିଦ୍ୟାଳୟର ସହକାରୀ ଶିକ୍ଷକ ପୁଟାସ୍ବାମୀଙ୍କ ବିରୋଧରେ ଅଭିଯୋଗ କରିଛନ୍ତି।