ସିଓଲ,୩୦ ।୧୨: ଦକ୍ଷିଣ କୋରିଆରେ ମସ୍ତିଷ୍କକୁ କ୍ଷତି ପହଞ୍ଚାଉଥିବା ଏମିବା ପହଞ୍ଚିଯାଇଛି । ଏଥିରେ ଆକ୍ରାନ୍ତ ହୋଇ ଜଣେ ୫୦ ବର୍ଷିୟ ବ୍ୟକ୍ତିଙ୍କ ମୃତ୍ୟୁ ହୋଇଥିବା ଜଣାପଡିଛି । ଦକ୍ଷିଣ କୋରିଆରେ ଏମିବା ସଂକ୍ରମଣର ଏହା ପ୍ରଥମ ଘଟଣା । ନେଗଲେରିୟା ଫାଉଲେଣି ନାମକ ସଂକ୍ରମଣକୁ ‘ବ୍ରେନ-ଇଂଟିଂଗ ଏମିବା’ ବୋଲି ମଧ୍ୟ କୁହାଯାଇଥାଏ । କୋରିଆ ଟାଇମ୍ସର ଏକ ରିପୋର୍ଟ ଅନୁଯାୟୀ, ଥାଇଲାଣ୍ଡରୁ ଫେରିଥିବା କୋରିଆ ନାଗରିକଙ୍କ ନିକଟରେ ଏହାର ଲକ୍ଷଣ ଦେଖାଦେଇଥିଲା ଆଉ ଏହାର ୧୦ ଦିନ ପରେ ତାଙ୍କର ମୃତ୍ୟୁ ହୋଇଛି ।
କୋରିଆ ରୋଗ ନିୟନ୍ତ୍ରଣ ଓ ନିରାକରଣ ଏଜେନ୍ସିର ସୂଚନା ଅନୁଯାୟୀ, ଏହି ବ୍ୟକ୍ତି ଦକ୍ଷିଣ କୋରିଆରେ ପ୍ରବେଶ କରିବା ପୂର୍ବରୁ ଥାଇଲ୍ୟାଣ୍ଡରେ ୪ ମାସ ରହିଥିଲେ । ଏହା ପୂର୍ବରୁ ଆମେରିକାରେ ଏହି ଏମିବା ସଂକ୍ରମଣରେ ଜଣେ ଶିଶୁଙ୍କର ବି ମୃତ୍ୟୁ ହୋଇଛି । ଏହା ନାକ ଦେଶ ମସ୍ତିଷ୍କରେ ପହଞ୍ଚିବା ସହ ମସ୍ତିଷ୍କର ଟିସୁକୁ ନଷ୍ଟ କରିଥାଏ ।
