ନୂଆଦିଲ୍ଲୀ, ୧।୧୨: ମଧ୍ୟପ୍ରଦେଶ, ରାଜସ୍ଥାନ, ଛତିଶଗଡ, ତେଲଙ୍ଗାନା ଏବଂ ମିଜୋରାମରେ ବିଧାନସଭା ନିର୍ବାଚନ ପାଇଁ ମତଦାନ ସରିଛି। ବର୍ତ୍ତମାନ ଡିସେମ୍ବର ୩ରେ ଭୋଟ ଗଣନାକୁ ଅପେକ୍ଷା କରାଯାଇଛି। ଏହା ପୂର୍ବରୁ ଏକ୍ଜିଟ ସର୍ଭେରେ ଭାରତୀୟ ଜନତା ପାର୍ଟି, ଭାରତୀୟ ଜାତୀୟ କଂଗ୍ରେସ, ଭାରତ ରାଷ୍ଟ୍ର ସମିତି, ସମାଜବାଦୀ ପାର୍ଟି, ବହୁଜନ ସମାଜ ପାର୍ଟି, ଏଆଇଏମଆଇଏମ ଏବଂ ଆମ ଆଦମୀ ପାର୍ଟି ମଧ୍ୟରେ ବାକ୍ ଯୁଦ୍ଧ ଆରମ୍ଭ ହୋଇଛି।
ଭାଜପା, କଂଗ୍ରେସ ଏବଂ ଅନ୍ୟାନ୍ୟ ଦଳର ପ୍ରତିକ୍ରିୟା ଜାରି ରହିଛି। ଉତ୍ତର ପ୍ରଦେଶର ଡେପୁଟି ମୁଖ୍ୟମନ୍ତ୍ରୀ ବ୍ରଜେଶ ପଠକ ଏକଜିଟ ପୋଲ ସମ୍ପର୍କରେ ଏକ ବଡ଼ ଦାବି କରିଛନ୍ତି। ସେ କହିଛନ୍ତି ଯେ ରିପୋର୍ଟ ଅନୁଯାୟୀ ଭାଜପା ସର୍ବୋତ୍ତମ ପ୍ରଦର୍ଶନ କରିବ। ସମସ୍ତ ରାଜ୍ୟରେ ଭାଜପା ଜିତୁଛି ଏବଂ ଦକ୍ଷିଣ ରାଜ୍ୟରେ ମଧ୍ୟ ଭଲ ପ୍ରଦର୍ଶନ କରିବ।
ଏହି ସମୟରେ କଂଗ୍ରେସ ନେତା ତଥା ରାଜ୍ୟ ସଭା ଏମ୍ପି ପ୍ରମୋଦ ତିୱାରୀ ଦାବି କରିଛନ୍ତି ଯେ, ଚାରିଟି ରାଜ୍ୟରେ ତାଙ୍କ ଦଳର ସରକାର ଗଠନ ହେବାକୁ ଯାଉଛି। ସେ ଅଭିଯୋଗ କରିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ପ୍ରତିଶ୍ରୁତି ଭଙ୍ଗ କରିଛନ୍ତି। ଦିଆଯାଇଥିବା ପ୍ରତିଶ୍ରୁତି ପୂରଣ ହୋଇନାହିଁ। ସେ ଦାବି କରିଛନ୍ତି ଯେ ଆମେ ଚାରୋଟି ରାଜ୍ୟରେ ନିଜେ ସରକାର ଗଠନ କରିବୁ। ଆମ ବିନା ମିଜୋରାମରେ ସରକାର ଗଠନ ହୋଇପାରିବ ନାହିଁ । ଏକ୍ଜିଟ ପୋଲରେ ପ୍ରମୋଦ ତିୱାରୀ କହିଛନ୍ତି ଯେ, ଆମେ ସର୍ଭେ ଉପରେ ବିଶ୍ୱାସ କରୁନାହୁଁ।
