ସାଓ ପାଉଲୋ, ୫ା୪ (ଏପି): ଅନ୍ଲାଇନ୍ରେ ରାଷ୍ଟ୍ରପତି ଲୁଇଜ୍ ଇନାସିଓ ଲୁଲା ଡା ସିଲ୍ଭାଙ୍କୁ ଦୁର୍ବ୍ୟବହାର ପାଇଁ ଅଲିମ୍ପିକ ଭଲିବଲ ସ୍ବର୍ଣ୍ଣ ବିଜେତା ଓ୍ବାଲେସ୍ ଡି’ସୋଜା ବ୍ରାଜିଲ ଅଲିମ୍ପିକ କମିଟି ଦ୍ୱାରା ଏକ ବର୍ଷ ସସ୍ପେଣ୍ଡ ହୋଇଛନ୍ତି। ସୋସିଆଲ ମିଡିଆରେ ହିଂସାକୁ ପ୍ରୋତ୍ସାହନ ଓ ଉତ୍ସାହିତ କରିବା ସାଙ୍ଗକୁ ନୈତିକ ବିରୋଧୀ କାର୍ଯ୍ୟ ଯୋଗୁ କମିଟି ଏଥିକ୍ସ କାଉନ୍ସିଲ ସୋମବାର ସର୍ବସମ୍ମତି କ୍ରମେ ଡି’ସୋଜାଙ୍କୁ ସସ୍ପେଣ୍ଡ କରିବା ଲାଗି ନିଷ୍ପତ୍ତି ନେଇଥିଲା। ପୂର୍ବରୁ ସେ ଜାନୁୟାରୀ ୩୧ରୁ କ୍ଲବ କାର୍ଯ୍ୟକଳାପରୁ ସସ୍ପେଣ୍ଡ ହୋଇ ସାରିଥିଲେ। ସେତେବେଳେ ଅଲିମ୍ପିକ କମିଟି ରୁଲିଂ ଯୋଗୁ ଡି’ସୋଜାଙ୍କୁ ୯୦ ଦିନ ଧରି ଜାତୀୟ ପ୍ରତିଯୋଗିତାଗୁଡ଼ିକରେ ଭାଗନେଇ ପାରି ନ ଥିଲେ। ଫଳରେ ସେ ବ୍ରାଜିଲର ଟପ୍ ଭଲିବଲ ଲିଗ୍ରେ ଖେଳିପାରି ନ ଥିଲେ। ଡି’ସୋଜା ବ୍ରାଜିଲିଆନ ସୁପରଲିଗ୍ର ଅନ୍ୟତମ ଟାଇଟଲ ଫେଭରାଇଟ୍ କ୍ରୁଜିରୋ ତରଫରୁ ଖେଳିଥାନ୍ତି। ଡି’ସୋଜାଙ୍କ ସହାୟଚାରେ ବ୍ରାଜିଲ ୨୦୧୬ ରିଓ ଡି’ ଜେନିରୋ ଅଲିମ୍ପିକ୍ସରେ ସ୍ବର୍ଣ୍ଣ ପଦକ ଜିତିଥିଲା। ସେ ଇତିମଧ୍ୟରେ ଅନ୍ତର୍ଜାତୀୟ ପ୍ରତିଯୋଗିତାରୁ ଅବସର ନେଇସାରିଛନ୍ତି।