ଯାଜପୁର ଅଫିସ/ଯାଜପୁର ଟାଉନ (ଡି.ଏନ.ଏ.),୧ା୩:ଯାଜପୁର ଜିଲାରେ ଚଳିତ ପଞ୍ଚାୟତ ନିର୍ବାଚନରେ ବିଜେଡି ଅଭୂତପୂର୍ବ ସଫଳତା ପାଇଛି। ଏକତରଫା ଫଳାଫଳ ସମସ୍ତଙ୍କୁ ଚକିତ କରିଛି। ପଞ୍ଚାୟତ ନିର୍ବାଚନରେ ସମସ୍ତ ରେକର୍ଡଙ୍କୁ ଭାଙ୍ଗି ବିଜେଡି ୨୦ ବର୍ଷରେ ଇତିହାସ ରଚିଛି। ଭୋଟ ଗଣତିର ତୃତୀୟ ଦିନ ସୋମବାର ରାତି ସାଢେ ୭ଟା ସୁଦ୍ଧା ମିଳିଥିବା ରିପୋର୍ଟ ଅନୁସାରେ ବିଜେଡି ସମସ୍ତ ୩୯ଟି ଜିଲା ପରିଷଦ ଜୋନକୁ ଦଖଲ କରି ସାରିିଛି। କେବଳ ବିଞ୍ଝାରପୁର ବ୍ଲକ ୨୮ ନମ୍ବର ଜୋନ୍ରେ କଡା ଟକ୍କର ଚାଲିଛି। ଏଠାରେ ବିଜେଡିର ଖଗେଶ୍ୱର ମହାନ୍ତି ୧୧୯୬୭ ଓ ଭାଜପାର ଭୂବନାନନ୍ଦ ସାମଲ ୧୧୦୮୪ ଭୋଟ ପାଇ ହାରଜିତରେ ମାତ୍ର ୮୮୩ ଭୋଟ ବ୍ୟବଧାନ ରହିଛି। ଅନ୍ୟପକ୍ଷେ ବଡ଼ଚଣା ବ୍ଲକର ୧୭, ୧୮, ୧୯ ଓ ୨୦, ବରୀ ବ୍ଲକର ୨୩, ଦଶରଥପୁର ବ୍ଲକର ୬, କୋରେଇ ବ୍ଲକର ୨, ୩, ବିଞ୍ଝାରପୁର ବ୍ଲକର ୨୬, ରସୁଲପୁର ବ୍ଲକର ୩୬ ନମ୍ବର ଜୋନ୍ରେ କଂଗ୍ରେସ ୨ ହଜାରରୁ ୬ ହଜାର ପର୍ଯ୍ୟନ୍ତ ଭୋଟ ପାଇ ଆଶାତୀତ ସଫଳତା ହାସଲ କରିଛି।
ଶେଷ ଦିନରେ ୧୭ଟି ଜୋନ୍ର ଭୋଟ ଗଣତି ହୋଇଥିଲା। ଏହି ୧୭ ଜୋନ୍ରେ ବିଜେଡି ପ୍ରାର୍ଥୀ ବିଜୟ ଲାଭ କରିଛନ୍ତି ା ଏହାପୂର୍ବରୁ ୨୨ଟି ଜୋନ୍ରେ ବିଜେଡି ବିଜୟ ଧ୍ୱଜା ଉଡାଇ ସାରିଛି। କୋରେଇ ବ୍ଲକ୍ ୩ ନମ୍ବର ଜୋନ୍ ବିଜେଡି ପ୍ରାର୍ଥିନୀ ନଳିନୀପ୍ରଭା ଜେନା, ବଡ଼ଚଣା ବ୍ଲକ ୧୯ ନମ୍ବର ଜୋନ୍ରେ ବିଜେଡିର ଅରବିନ୍ଦ ସାମଲ ଓ ୨୦ ନମ୍ବର ଜୋନ୍ରେ ଜୟଶ୍ରୀ ସାମଲ, ବରୀ ବ୍ଲକ ୨୩ ନମ୍ବର ଜୋନ୍ରେ ସୁମିତ୍ରା ୟାଦବ ଓ ୨୪ ନମ୍ବର ଜୋନ୍ରେ ସନ୍ତୋଷ କୁମାର ସାମଲ, ବିଞ୍ଝାରପୁର ବ୍ଲକ ୨୭ ନମ୍ବର ଜୋନ୍ରେ ସୁନିତା ନାୟକ ଓ ୨୮ ନମ୍ବର ଜୋନ୍ରେ ଖଗେଶ୍ୱର ମହାନ୍ତି, ଦାନଗଦି ବ୍ଲକ ୧୦ ନମ୍ବର ଜୋନ୍ରେ ସୁଚିତ୍ରା ବିଶ୍ୱାଳ, ଦଶରଥପୁର ବ୍ଲକ ୬ ନମ୍ବର ଜୋନ୍ରେ ମାମିନା ମଲ୍ଲିକ ଓ ୭ ନମ୍ବର ଜୋନ୍ରେ ନିନାରାଣୀ ସାମଲ, ଧର୍ମଶାଳା ବ୍ଲକ ୧୪ ନମ୍ବର ଜୋନ୍ରେ ଜଳଧର ମହାନ୍ତି ଓ ୧୫ ନମ୍ବର ଜୋନ୍ରେ ଭାଗ୍ୟଧର ସେଠୀ, ଯାଜପୁର ବ୍ଲକ ୩୧ ନମ୍ବର ଜୋନ୍ରେ ବିନୋଦ କୁମାର ମାଝି ଓ ୩୨ ନମ୍ବର ଜୋନ୍ରେ ପ୍ରଭାତି ଆଚାର୍ଯ୍ୟ, ରସୁଲପୁର ବ୍ଲକ ୩୫ ନମ୍ବର ଜୋନ୍ରେ ଶଶିରେଖା ପୃଷ୍ଟି ଓ ୩୬ ନମ୍ବର ଜୋନ୍ରେ ଭାରତୀ ବିଶ୍ୱାଳ ଏବଂ ସୁକିନ୍ଦା ବ୍ଲକ ୩୯ ନମ୍ବର ଜୋନ୍ରେ ପ୍ରତାପ ପଟ୍ଟନାୟକ ଆଗରେ ରହିଛନ୍ତି। ୨୦୧୭ ପଞ୍ଚାୟତ ନିର୍ବାଚନରେ ଦଶରଥପୁର ବ୍ଲକର ୬ ଓ ୭ ନମ୍ବର, ବରୀ ବ୍ଲକ ୨୩ ଓ ୨୪, ବିଞ୍ଝାରପୁର ବ୍ଲକ ୨୭ ଏବଂ ରସୁଲପୁର ବ୍ଲକର ୩୬ ନମ୍ବର ଜୋନ୍କୁ ଭାଜପା ହାତରୁ ବିଜେଡି ଛଡେଇ ନେଇଛି। ସୂଚନାଯୋଗ୍ୟ, ୨୦୦୨ରୁ ବିଜେଡି ପଞ୍ଚାୟତ ନିର୍ବାଚନ ଲଢି ଜିଲା ପରିଷଦ ସଭାପତି/ସଭାନେତ୍ରୀ ପଦବୀ ଅକ୍ତିଆର କରି ଆସିଛି ା ବିଜେଡିର ଏହି ୨୦ ବର୍ଷର ଗତିପଥରେ ସଫଳତା ବେଶୀ ମିଳିଛି। ସମସ୍ତ ପଞ୍ଚାୟତ ନିର୍ବାଚନରେ କଂଗ୍ରେସ ଓ ଭାଜପା କିଛିଟା ଆସନ ପାଇଥିଲେ ା ପ୍ରଥମ ଥର ପାଇଁ ବିଜେଡି ୨୦୧୭ ଜିଲା ପରିଷଦ ନିର୍ବାଚନରେ ଟିକେ ତଳକୁ ଖସିଥିଲା ଓ ଏହି ନିର୍ବାଚନରେ ଭାଜପା ୬ ଆସନରେ ବିଜୟୀ ହୋଇଥିଲା ା ହେଲେ ଚଳିତ ବର୍ଷ ବିଜେଡି ସମସ୍ତ ଜିଲା ପରିଷଦ ଆସନରେ ବିଜୟୀ ହୋଇ ରେକର୍ଡ ସୃଷ୍ଟି କରିଛି ା