ନୂଆଦିଲ୍ଲୀ,୨୮।୧: ଅଷ୍ଟ୍ରେଲିଆର ପୂର୍ବ ପେସର ବ୍ରେଟ ଲି କ୍ରିକେଟ ଇତିହାସର ସବୁଠାରୁ ଦ୍ରୁତ ବୋଲରଙ୍କ ମଧ୍ୟରୁ ଅନ୍ୟତମ। ଦୀର୍ଘଦିନ ଧରି ସେ କ୍ରିକେଟର ସମସ୍ତ ଫର୍ମାଟରେ ବ୍ୟାଟ୍ସମ୍ୟାନଙ୍କୁ ଅଡୁଆରେ ପକାଉଥିଲେ। ଅନ୍ତଃରାଷ୍ଟ୍ରୀୟ କ୍ରିକେଟରେ ବ୍ରେଟ୍ ଲି ଅନେକ ଥର ଐତିହାସିକ ପ୍ରଦର୍ଶନ କରିଛନ୍ତି। ହେଲେ ଏଭଳି ଏକ ଟି୨୦ ମ୍ୟାଚ୍ ରହିଛି, ଯେଉଁଥିରେ ସେ ଶେଷ ଓଭରରେ ଆଶା ମୁତାବକ ପ୍ରଦର୍ଶନ କରିଥିଲେ ହେଁ ସଫଳତା ପାଇ ନ ଥିଲେ। ୬ ବର୍ଷ ପୂର୍ବେ ଆଜିର ଦିନରେ ଖେଳାଯାଇଥିଲା ଉକ୍ତ ମ୍ୟାଚ୍।
ଅଷ୍ଟ୍ରେଲିଆର ଲୋକପ୍ରିୟ ବିଗ୍ ବ୍ୟାସ୍ ଲିଗ୍(ବିବିଏଲ୍)ର ୨୦୧୫ ସଂସ୍କରଣର ଫାଇନାଲ ମୁକାବିଲାରେ ପର୍ଥ ସ୍କୋର୍ଚର୍ସ ଏବଂ ସିଡନୀ ସିକ୍ସର୍ସ ଟିମ୍ ମୁହାଁମୁହିଁ ହୋଇଥିଲେ। ମ୍ୟାଚ୍ର ଶେଷ ଓଭରରେ ଏଭଳି କିଛି ଘଟିଥିଲା ଯାହା ମ୍ୟାଚ୍କୁ ଟି୨୦ କ୍ରିକେଟର ସବୁଠାରୁ ରୋମାଞ୍ଚକର ମ୍ୟାଚ୍ରେ ପରିବର୍ତ୍ତିତ କରିଥିଲା।
ଫାଇନାଲ୍ରେ ସିଡନୀ ଦଳ ଟସ୍ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ପରେ ୨୦ ଓଭରରେ ଦଳ ୫ ଉଇକେଟ ହରାଇ ୧୪୭ ରନ୍ କରିଥିଲା। ପର୍ଥ ଟିମ୍କୁ ଜିତିବା ଲାଗି ୧୪୮ ରନ୍ର ଆବଶ୍ୟକତା ଥିଲା।
ପ୍ରାରମ୍ଭରେ ପର୍ଥର ଟିମ୍ ଭଲ ପ୍ରଦର୍ଶନ କରିଥିଲା। ଦୁଇ ଓପନ୍ର ପ୍ରଥମ ଉଇକେଟ ପାଇଁ ୭୦ ରନ୍ର ଭାଗିଦାରୀ କରିଥିଲେ। ଏହା ଭାଙ୍ଗିବା ପରେ ହଠାତ ଗୋଟିଏ ପରେ ଗୋଟିଏ ୪ଟି ଉଇକେଟ ପତନ ହୋଇଥିଲା। ମ୍ୟାଚ୍ର ଶେଷ ଓଭରରେ ଜିତିବା ପାଇଁ କେବଳ ୮ ରନ୍ର ଆବଶ୍ୟକତା ଥିଲା। ଏହି ଓଭର ବୋଲିଂ କରିବାକୁ ଆସିଥିଲେ ବ୍ରେଟ୍ ଲି।
ଏପରି ଥିଲା ଓଭର:
ପ୍ରଥମ ବଲ୍: ୪ ରନ୍
ଦ୍ୱିତୀୟ ବଲ୍: ୨ରନ୍
ତୃତୀୟ ବଲ: ୧ ରନ୍
୪ର୍ଥ ବଲ୍: ଉଇକେଟ
୫ମ ବଲ୍: ଉଇକେଟ
୬ଷ୍ଠ ବଲ୍: ୧ ରନ୍(ରୋମାଞ୍ଚକର ଥିଲା ଏହି ରନ୍ ନେବା। ପଡ଼ିଆରେ ଖେଳାଳିମାନେ ଏକାଠି ହୋଇଥିଲେ। ରନ୍ ନେବା ସମୟରେ ବିପକ୍ଷ ଖେଳାଳିଙ୍କୁ ଆଉଟ୍ କରିବାକୁ ଚେଷ୍ଟା କରିଥିଲେ ହେଁ ତାହା ସଫଳ ହୋଇ ନ ଥିଲା)
ଦେଖନ୍ତୁ ଭିଡିଓ