ନୂଆଦିଲ୍ଲୀ,୨୩।୧୨: କିମ୍ବଦନ୍ତୀ ବ୍ୟାଟ୍ସମ୍ୟାନ ବ୍ରାଏନ ଲାରା ଏବଂ ଦକ୍ଷିଣ ଆଫ୍ରିକାର ମାରାତ୍ମକ ବୋଲର ଡେଲ ଷ୍ଟେନ ଇଣ୍ଡିଆନ ପ୍ରିମିୟର ଲିଗ (ଆଇପିଏଲ) ରେ ଯୋଗ ଦେଇଛନ୍ତି। ସନରାଇଜର୍ସ ହାଇଦ୍ରାବାଦ ଲାରାଙ୍କୁ ବ୍ୟାଟିଂ କୋଚ ଏବଂ ଷ୍ଟେନଙ୍କୁ ବୋଲିଂ କୋଚ ଭାବରେ ନିଯୁକ୍ତ କରିଛି। ଟମ ମୁଡି ହାଇଦ୍ରାବାଦର ମୁଖ୍ୟ କୋଚ ଭାବରେ ଜାରି ରଖିବେ। ଟେଷ୍ଟ କ୍ରିକେଟର ଏକ ଇନିଂସରେ ୪୦୦ ରନ ସ୍କୋର କରିଥିବା ଏକମାତ୍ର ବ୍ୟାଟ୍ସମ୍ୟାନ ଲାରାଙ୍କୁ ମଧ୍ୟ ଫ୍ରାଞ୍ଚାଇଜ ଦ୍ୱାରା ରଣନୀତିକ ପରାମର୍ଶଦାତା କରାଯାଇଛି। ଅଷ୍ଟ୍ରେଲିଆର ପୂର୍ବତନ ଓପନର୍ ସାଇମନ କାଟିଚ ଆସିଷ୍ଟାଣ୍ଟ କୋଚ ଭୂମିକାରେ ଅଭିନୟ କରିବେ। ଏହା ବ୍ୟତୀତ ପୂର୍ବତନ ଭାରତୀୟ କ୍ରିକେଟର ହେମାଙ୍ଗ ବଦାନି ଫିଲ୍ଡିଂ କୋଚ ଭୂମିକା ଗ୍ରହଣ କରିବେ। ମୁଥିୟା ମୁରଲିଧରନ ସ୍ପିନ ବୋଲିଂ କୋଚଙ୍କ ଦାୟିତ୍ୱ ନିର୍ବାହ କରୁଛନ୍ତି।
ୱେଷ୍ଟଇଣ୍ଡିଜ ପାଇଁ ବ୍ରାଏନ ଲାରା ୧୩୩ ଟେଷ୍ଟ, ୨୯୯ ଟି ଦିନିକିଆ ଖେଳିଥିଲେ। ସେ ୩୪ ଶତକ ଏବଂ ୪୮ ଅର୍ଦ୍ଧଶତକ ସହ ଟେଷ୍ଟରେ ୧୧୯୫୩ ରନ ସ୍କୋର କରିଥିଲେ। ଏହା ବ୍ୟତୀତ ସେ ୧୯ ଶତକର ସାହାଯ୍ୟରେ ଦିନିକିଆରେ ୧୦୪୦୫ ରନ ମଧ୍ୟ ସ୍କୋର କରିଥିଲେ। ଅନ୍ତର୍ଜାତୀୟ କ୍ରିକେଟ ରେ ତାଙ୍କ ନାମରେ ୫୩ ଶତକ ଏବଂ ୨୨୩୫୮ରନ ଅଛି। ପ୍ରଥମ ଶ୍ରେଣୀ କ୍ରିକେଟରେ ଏକ ଇନିଂସରେ ଲାରା ୫୦୧ ରନ ସଂଗ୍ରହ କରିଛନ୍ତି।
