ଲାଞ୍ଚ ନେଇ ମଦ ଫେରାଇବା ଘଟଣା: କନଷ୍ଟେବଳଙ୍କୁ ପାଟଣା ଥାନାରୁ ବଦଳି
9:36 amOctober 31, 2021October 31, 2021 / 21

ପାଟଣା,୩୧।୧୦(ସ୍ବ.ପ୍ର.) କେନ୍ଦୁଝର ଜିଲା ପାଟଣା ଥାନାରେ କାର୍ଯ୍ୟରତ ଜଣେ କନଷ୍ଟେବଳ ଜବତ ମଦ ଫେରାଇ ପ୍ରତିବଦଳରେ ୫ ହଜାର ଟଙ୍କା ଲାଞ୍ଚ ନେଉଥିବାର ସ୍ବୀକାରୋକ୍ତି ଅଡିଓ ଭାଇରାଲ ହେବା ଖବର ପ୍ରକାଶ ପାଇଥିଲା। ଏହି ଘଟଣାରେ ଏସ୍‌ପି ମିତ୍ରଭାନୁ ମହାପାତ୍ରଙ୍କ ନିର୍ଦ୍ଦେଶକ୍ରମେ ଘଟଗାଁ ଏସ୍‌ଡିପିଓ ଆଶୀତ ରଞ୍ଜନ ମହାନ୍ତି ତଦନ୍ତ ଆରମ୍ଭ କରିଥିଲେ। ଏନେଇ ଏସ୍‌ପି ମହାପାତ୍ରଙ୍କୁ ପଚାରିବାରୁ ସମ୍ପୃକ୍ତ କନେଷ୍ଟବଳ ପ୍ରଫୁଲ ବାରିକଙ୍କୁ ପାଟଣା ଥାନାରୁ ବଦଳି କରି ତଦନ୍ତ ଜାରି ରଖିଛନ୍ତି। ତଦନ୍ତ ରିପୋର୍ଟ ଆସିଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ କହିଛନ୍ତି।