ୱାଶିଂଟନ,୧୨।୧୧: ଯୁକ୍ତରାଷ୍ଟ୍ର ଆମେରିକାରେ ଏକ ବିବାହରେ ଆଶ୍ଚର୍ଯ୍ୟଜନକ ଘଟଣା ଘଟିଛି। ବନ୍ଧନରେ ବାନ୍ଧି ହୋଇଥିବା ଦମ୍ପତି ତାଙ୍କ ବିବାହରେ ଯୋଗ ଦେଇଥିବା ଅତିଥିଙ୍କ ଠାରୁ ପ୍ଲେଟ୍ ପିଛା ୭,୩୦୦ ଟଙ୍କା ଦାବି କରିଥିଲେ। ନିଜ ବିବାହ ଖର୍ଚ୍ଚ ଭରଣା କରିବାକୁ ସେମାନଙ୍କ ନିକଟରେ ଅର୍ଥର ଅଭାବ ଥିଲା। ତେଣୁ ସେମାନେ ଏହି ଟଙ୍କା ନିମନ୍ତ୍ରୀତ ଅତିଥିଙ୍କଠାରୁ ଆଦାୟ କରିବାକୁ ପ୍ଲାନ କରିଥିଲେ। କେବଳ ସେତିକି ନୁହେଁ, ବିବାହ ସ୍ଥଳରେ ଏକ ବକ୍ସ ରଖି ସେଥିରେ ଟଙ୍କା ପକାଇବାକୁ ଅତିଥିଙ୍କୁ ଅନୁରୋଧ କରାଯାଇଥିଲା। ବର-କନ୍ୟାଙ୍କ ଭବିଷ୍ୟତ ଜୀବନ, ନୂଆ ଘର ପାଇଁ ଏହି ଅର୍ଥ ରାଶି ବିନିଯୋଗ କରାଯିବ ବୋଲି ଲେଖା ଯାଇଥିଲା। ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଥିବା ବେଳେ ୟୁଜର୍ସମାନେ ଭିନ୍ନ ଭିନ୍ନ ପ୍ରତିକ୍ରିୟା ଦେବାରେ ଲାଗିଛନ୍ତି। ସେଠାରେ ଯୋଗ ଦେଇଥିବା ଜଣେ ଅତିଥି ଲେଖିଛନ୍ତି କି ବିବାହ ସ୍ଥାନରୁ ତାଙ୍କ ଘର ୪ ଘଣ୍ଟା ଦୂରରେ ଥିଲା। ଏଥି ପାଇଁ ଗାଡି ଡ୍ରାଇଭ୍ କରି ଯିବାକୁ ପଡିଥିଲା। ସେଥିପାଇଁ ପେଟ୍ରୋଲ ଅଧିକ ଖର୍ଚ୍ଚ ହୋଇଥିଲା। ଏହା ବାଦ୍ ଖାଇବା ପାଇଁ ଟଙ୍କା ଦେବାକୁ ପଡିଲା। ଯାହା ଖୁବ୍ ବ୍ୟୟସାପେକ୍ଷ ହେଲା।
