ଆମ ଦେଶରେ ବିବାହ, ଭୋଜି ଏବଂ ବ୍ୟାଣ୍ଡ ବାଜା ପରେ ବି ବିବାହ ଜମେ ନାହିଁ ଯେପର୍ଯ୍ୟନ୍ତ ବର ଆଉ ବରଯାତ୍ରୀ ଡ୍ୟାନ୍ସ କରି ନ ଥାନ୍ତି। ବରଯାତ୍ରୀ ଡ୍ୟାନ୍ସ ନ ଥିଲେ ବିବାହ ଯେମିତି ଅସମ୍ପୂର୍ଣ୍ଣ ଲାଗେ। ବର୍ତ୍ତମାନ ଏମିତି ଏକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ବରଯାତ୍ରୀ ନୁହେଁ, କନ୍ୟା ନିଜେ ଏତେ ଜୋରରେ ଡ୍ୟାନ୍ସ କରୁଛନ୍ତି ଯେ, ଦେଖିଲେ ଆଶ୍ଚର୍ଯ୍ୟ ହେବେ।
ବୋଧେ ସେ ଜମାନା ଗଲାଣି। ବରଯାତ୍ରୀଙ୍କ ସହ ଶୋଭାଯାତ୍ରାରେ ବର ଆସୁଥିଲେ। ଆଉ ବରଯାତ୍ରୀମାନେ ଡ୍ୟାନ୍ସ କରୁଥିଲେ। ଏବେ ବିବାହ ଆଧୁନିକ ହୋଇଛି। ଆଉ ଲାଜ ନ କରି କନ୍ୟା ନିଜେ ବରଯାତ୍ରୀଙ୍କ ସହ ଡିଜେର ତାଳେ ତାଳେ ଡ୍ୟାନ୍ସ କରୁଛନ୍ତି। ସୋସିଆଲ ମିଡିଆରେ ସେମିତି ଏକ ଭିଡିଓ ଭାଇରାଲ ହେଉଛି। ଯେଉଁଠି କନ୍ୟା ‘ଗଦର’ ଡ୍ୟାନ୍ସ କରିବା ସମୟରେ ତାଙ୍କ ପାଖରେ ଠିଆ ହୋଇଥିବା ବର ହସ ରୋକି ପାରୁନାହାନ୍ତି।
ଭିଡିଓରେ ଆପଣ ଦେଖିବେ ବର ଏବଂ କନ୍ୟା ମଣ୍ଡପ ଉପରେ ଅଛନ୍ତି। ଏହି ସମୟରେ ଏକ ଗୀତ ବାଜୁଛି। ସେଠାରେ ଉପସ୍ଥିତ ଛୋଟ ଝିଅମାନେ ଡ୍ୟାନ୍ସ ଆରମ୍ଭ କରିବା କ୍ଷଣି କନ୍ୟା ମଧ୍ୟ ଡ୍ୟାନ୍ସ କରୁଛନ୍ତି। ଏହି ସମୟରେ ସେ ବର କିମ୍ବା ଅତିଥିମାନଙ୍କ ବିଷୟରେ ଚିନ୍ତା କରୁନାହାନ୍ତି। ସେ ଡ୍ୟାନ୍ସ କରିଚାଲିଛନ୍ତି। ତାଙ୍କର ଅଜବ ଡ୍ୟାନ୍ସ ଦେଖି ବର ହସିବା ବନ୍ଦ କରୁନାହାନ୍ତି। କନ୍ୟା ସଙ୍ଗେ ସଙ୍ଗେ ବରଙ୍କ ହାତ ଧରି ଟାଣି ଆଣୁଛନ୍ତି ଡ୍ୟାନ୍ସ କରିବା ପାଇଁ କହୁଛନ୍ତି। କିନ୍ତୁ ବର ହସି ଦେଇ ଡ୍ୟାନ୍ସ କରିବାକୁ ମନା କରୁଛନ୍ତି।
ଏହି ମଜାଳିଆ ଭିଡିଓଟି i_love_yau_୧୪୩୦ ନାମକ ଇନ୍ଷ୍ଟାଗ୍ରାମ ଆକାଉଣ୍ଟରେ ଶେୟାର କରାଯାଇଛି। ଡିସେମ୍ବର ୧୫ରେ ଶେୟାର ହୋଇଥିବା ଏହି ଭିଡିଓକୁ ବର୍ତ୍ତମାନ ସୁଦ୍ଧା ୬.୭ ମିଲିୟନ ଅର୍ଥାତ୍ ୬୭ ଲକ୍ଷ ଥର ଦେଖାସରିଲାଣି। ୧ ଲକ୍ଷ ୨୭ ହଜାରରୁ ଅଧିକ ଲୋକ ଏହି ଭିଡିଓକୁ ପସନ୍ଦ କରିଛନ୍ତି। ଏହା ଉପରେ ମନ୍ତବ୍ୟ ଦେଇ ଲୋକମାନେ କହିଛନ୍ତି, କନ୍ୟା ବହୁତ ଖୁସି ଦେଖାଯାଉଛନ୍ତି। ଆଉ କିଛି ୟୁଜର କହିଛନ୍ତି, ଭଉଣୀ ଟିକେ ଭଲ ଡ୍ୟାନ୍ସ କରିଥାନ୍ତେ। ଅନ୍ୟ ଜଣେ ୟୁଜର କହିଛନ୍ତି, ବର୍ତ୍ତମାନ ୟାଙ୍କୁ ଭଉଣୀ କର।