ରାୟପୁର: ଅନେକ ସମୟରେ ବିବାହକୁ ନେଇ ଭିନ୍ନ ଘଟଣା ଶୁଣିବାକୁ ମିଳିଥାଏ, ଯାହା ଅତ୍ୟନ୍ତ ରୋଚକ ହୋଇଥାଏ। ଯେପରିକି ବର ଜେସିବି ସାହାଯ୍ୟରେ ହେଉ କି କନ୍ୟାକୁ ବର ମୋଟରସାଇକେଲରେ ଆଣିବା ନଜରକୁ ଆସିଛି। ସେହିପରି ନିକଟରେ ଏକ ଭିନ୍ନ ବିବାହ ଦେଖିବାକୁ ମିଳିଛି, ଯାହା ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି। ବର-କନ୍ୟାଙ୍କ ବିବାହ ଚାଲିଥିବା ସମୟରେ ହଠାତ୍ ଜୋର୍ରେ ବର୍ଷା ହେଲା। କିନ୍ତୁ ବିବାହ ସମୟରେ ଅଗ୍ନିକୁ ସାକ୍ଷୀ ରଖି ୭ ଘେରା ବାକି ରହିଯାଇଥିଲା। ହେଲେ ସେହି ବର୍ଷାରେ ସେମାନେ ପରସ୍ପର ହାତ ଛନ୍ଦି ଛତା ତଳେ ୭ ଘେରା ବୁଲିଥିଲେ। ବ୍ରାହ୍ମଣ ଘର ଭିତରେ ଥାଇ ମନ୍ତ୍ରୋଚାରଣ କରୁଥିବା ଦେଖିବାକୁ ମିଳିଥିଲା। ଘଟଣାଟି ଛତିଶଗଡ଼ କବର୍ଦ୍ଧା ଜିଲାର ପଣ୍ଡରିଆ ଅଞ୍ଚଳରେ ଘଟିଥିବା ଜଣାପଡ଼ିଛି। ଏହି ବିବାହର ଏକ ଭିଡିଓ ଜଣେ ବ୍ୟକ୍ତି ତାଙ୍କ ସୋସିଆଲ ମିଡିଆରେ ଛାଡ଼ିବା ପରେ ତାହା ଏବେ ବେଶ ଭାଇରାଲ ହେବାରେ ଲାଗିଛି। ଲୋକେ ଏହି ଭିଡିଓକୁ ଅଧିକ ପସନ୍ଦ କରିଥିବା ଦେଖିବାକୁ ମିଳିଛି। ଏଥିରେ ଲୋକେ ଅନେକ ମଜାଳିଆ କମେଣ୍ଟ ମଧ୍ୟ ଦେଇଛନ୍ତି। ଜଣେ ଲେଖିଛନ୍ତି, ଦୁହିଁଙ୍କ ଡେଡିକେଶନକୁ ମାନିବାକୁ ପଡିବ। ଅନ୍ୟଜଣେ ଲେଖିଛନ୍ତି, ଲୋକେ ଅଗ୍ନିକୁ ସାକ୍ଷୀ ରଖି ବିବାହ କରିଥା’ନ୍ତି, ହେଲେ ଏମାନେ ପାଣିକୁ ସାକ୍ଷୀ ରଖି ବିବାହ କରୁଛନ୍ତି।