ମୋରଡ଼ା,୭ା୯(ଡି.ଏନ.ଏ): ମୟୂରଭଞ୍ଜ ଜିଲା ମୋରଡ଼ା ବ୍ଲକ ଅଧୀନ ଦାନ୍ତିଆମୁଁହାସ୍ଥିତ ମାଛୁଆ ପୋଲ ଲଗାଣ ବର୍ଷାରେ ସମ୍ପୂର୍ଣ୍ଣ ଭାଙ୍ଗିଯାଇଛି। ଫଳରେ ଯାତାୟାତ ବାଧାପ୍ରାପ୍ତ ହୋଇଛି।
ଓ ବେତନଟୀ ବ୍ଲକକୁ ସଂଯୋଗ କରୁଥିବା ଏହି ପୋଲ ଦୀର୍ଘ ବର୍ଷ ଧରି ବିପଦସଙ୍କୁଳ ଅବସ୍ଥାରେ ଥିଲା। ବ୍ଲକ ତଥା ଜିଲାର ପ୍ରମୁଖ ହାଟ ଦାନ୍ତିଆମୁଁହାକୁ ଏହି ପୋଲ ଦେଇ ହଜାର ହଜାର ଲୋକେ ଯିବାଆସିବା କରନ୍ତି l ତେବେ ପୋଲଟି ଅର୍ଦ୍ଧ ଭଗ୍ନ ଅବସ୍ଥାରେ ଦୀର୍ଘ ବର୍ଷ ଧରି ଥିବା ବେଳେ ଗ୍ରାମବାସୀଙ୍କ ଦ୍ୱାରା ବାଲି ବସ୍ତା ପ୍ୟାକିଂ କରାଯାଇଥିଲା। ଉକ୍ତ ପୋଲଟି ୪୦ ବଷ ତଳେ ନିର୍ମାଣ କରାଯାଇଥିଲା ବୋଲି ସ୍ଥାନୀୟ ଗ୍ରାମବାସୀ କହିଛନ୍ତି। ଗତ ୨୦୧୩ ଫାଇଲିନ ବାତ୍ୟା ସମୟରେ ଏହି ପୋଲର କିଛି ଅଂଶ ଭାଙ୍ଗି ଯାଇଥିଲା। ପ୍ରଶାସନ ପକ୍ଷରୁ ଏହାର ମରାମତି କରାଯାଇ ନ ଥିଲା। ଅନ୍ୟ ପକ୍ଷରେ ଗତ ୩ ଦିନ ଧରି ଲଗାଣ ବର୍ଷା ହେବା ଫଳରେ ପୋଲଟି ସମ୍ପୂଣ୍ଣର୍ର୍ ଭାଙ୍ଗି ଯାଇଛି। ପ୍ରଶାସନ ତୁରନ୍ତ ପଦକ୍ଷେପ ଗ୍ରହଣ କରିବାକୁ ହରି ସିଂ, ଚିନ୍ତାମଣି ମହାନ୍ତ, ରବୀନ୍ଦ୍ର ସିଂ, ବିକର୍ତ୍ତନ ସିଂ,ମନୋରଞ୍ଜନ ପାତ୍ର, ସୁଶାନ୍ତ ସିଂ ପ୍ରମୁଖ ଗ୍ରାମବାସୀ ଦାବି କରିଛନ୍ତି।