ନୂଆଦିଲ୍ଲୀ,୨୩।୫: ଭାରତୀୟ ଜନତା ପାର୍ଟି(ଭାଜପା)ର ଏମପି ତଥା ଭାରତୀୟ କୁସ୍ତି ମହାସଂଘର ଅଧ୍ୟକ୍ଷ ବ୍ରିଜ ଭୂଷଣ ଶରଣ ସିଂ ଲଗାତାର ଖବରର ଶିରୋନାମାରେ ରହି ଆସୁଛନ୍ତି। ବ୍ରିଜ ଭୂଷଣଙ୍କ ବିରୋଧରେ ଯୌନ ଉତ୍ପୀଡ଼ନ ଅଭିଯୋଗକୁ ନେଇ କୁସ୍ତିଯୋଦ୍ଧାମାନେ ଜନ୍ତର ମନ୍ତରରେ ଧାରଣାରେ ବସିଛନ୍ତି। ଏ ବାବଦରେ ବ୍ରିଜଭୂଷଣ ଶରଣ ସିଂ କୁସ୍ତି ଯୋଦ୍ଧାମାନଙ୍କୁ ନାର୍କୋ ପରୀକ୍ଷା ପାଇଁ ଚ୍ୟାଲେଞ୍ଜ କରିଥିଲେ, ଯାହାକୁ କୁସ୍ତି ଯୋଦ୍ଧାମାନେ ଗ୍ରହଣ କରିଥିଲେ। କୁସ୍ତି ଯୋଦ୍ଧାମାନେ କହିଛନ୍ତି ଯେ ସେମାନେ ନାର୍କୋ ଟେଷ୍ଟ ପାଇଁ ପ୍ରସ୍ତୁତ ଏବଂ ବ୍ରିଜ ଭୂଷଣଙ୍କ ସହ ପୀଡିତାଙ୍କ ନାର୍କୋ ପରୀକ୍ଷା କରାଯିବା ଉଚିତ ଏବଂ ଏହାକୁ ସିଧା ପ୍ରସାରଣ କରାଯିବା ଉଚିତ। ବର୍ତ୍ତମାନ ସମସ୍ତଙ୍କ ନଜର ଦିଲ୍ଲୀ ପୋଲିସ ଉପରେ ଅଛି ଯେ ସେମାନେ ଉଭୟ ପକ୍ଷକୁ ନାର୍କୋ ଟେଷ୍ଟ ପାଇଁ ଡାକିବେ।
ନାର୍କୋ ଟେଷ୍ଟକୁ ନେଇ ବ୍ରିଜ ଭୂଷଣଙ୍କୁ ପ୍ରଶ୍ନ ପଚରା ଯିବାରୁ ସେ କହିଛନ୍ତି, ଏହି ଦାବି ମୁଁ କରି ନ ଥିଲି ରେସଲରମାନେ କରିଥିଲେ, ଖାପ ପଞ୍ଚାୟତ କରିଥିଲା।