ଭିନେଶଙ୍କ ଜିତିବା ଉପରେ ଆସିଲା ବ୍ରିଜଭୂଷଣଙ୍କ ପ୍ରଥମ ପ୍ରତିକ୍ରିୟା, କହିଦେଲେ ଏମିତି…

ନୂଆଦିଲ୍ଲୀ,୮।୧୦: କଂଗ୍ରେସ ପ୍ରାର୍ଥୀ ଭିନେଶ ଫୋଗଟ ହରିୟାଣା ବିଧାନସଭା ନିର୍ବାଚନରେ ଜୁଲାନା ଆସନ ଜିତିଛନ୍ତି। ଭିନେଶ ଫୋଗଟଙ୍କ ବିଜୟରେ କେସିଆରଗଞ୍ଜର ପୂର୍ବ ଭାଜପା ଏମ୍‌ପି ବ୍ରିଜଭୂଷଣ ଶରଣ ସିଂଙ୍କ ପ୍ରତିକ୍ରିୟା ସାମ୍ନାକୁ ଆସିଛି। WFI ର ପୂର୍ବତନ ଅଧ୍ୟକ୍ଷ ବ୍ରିଜଭୂଷଣ କହିଛନ୍ତି ଯେ ଭିନେଶ ଫୋଗଟଙ୍କ ବିଜୟ ହୋଇଛି କିନ୍ତୁ ସେ ଯେଉଁଠି ବି ପାଦ ରଖନ୍ତି, ତାହା ନଷ୍ଟ ହୋଇଯାଏ।

ହରିୟାଣାର ଜୁଲାନା ଆସନରୁ ଭିନେଶ ଜିତିବା ଉପରେ ବ୍ରିଜଭୂଷଣ କହିଛନ୍ତି, ଠିକ ଅଛି, କୌଣସି ଅସୁବିଧା ନାହିଁ। ଭିନେଶ ଯୁଆଡେ ବି ଯାଆନ୍ତି ସେଠାରେ ସମ୍ପୂର୍ଣ୍ଣ ବିନାଶ ହୋଇଯାଏ ଏବଂ ଭବିଷ୍ୟତରେ ସମ୍ପୂର୍ଣ୍ଣ ବିନାଶ ହେବ ଏବଂ କିଛି ବାକି ନାହିଁ । ଆପଣ ଦେଖନ୍ତୁ, ସେ କଂଗ୍ରେସକୁ ଗଲେ ହେଲେ କଂଗ୍ରେସର ସତ୍ୟାନାଶ ହୋଇଗଲା। ଏକଜିଟ ପୋଲ ଦର୍ଶାଉଥିଲା ଯେ କଂଗ୍ରେସ ସରକାର ଗଠନ ହେବ କିନ୍ତୁ ହରିୟାଣାରେ ଏକଜିଟ ପୋଲ ସମ୍ପୂର୍ଣ୍ଣ ଭୁଲ ପ୍ରମାଣିତ ହୋଇଛି ଏବଂ ବର୍ତ୍ତମାନ ସେଠାରେ ଭାରତୀୟ ଜନତା ପାର୍ଟି ସରକାର ଗଠନ କରିବାକୁ ଯାଉଛି।