ଲଣ୍ଡନ/ନୂଆଦିଲ୍ଲୀ,୨୮ ।୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ବ୍ରିଟେନର ନବ ନିର୍ବାଚିତ ପ୍ରଧାନମନ୍ତ୍ରୀ ଋଷି ସୁନକଙ୍କୁ ଫୋନ ଯୋଗେ ଶୁଭେଚ୍ଛା ଜଣାଇବା ସହ । କିଛି ଗୁରୂତ୍ୱପୂର୍ଣ୍ଣ ପ୍ରସଙ୍ଗକୁ ନେଇ ଉଭୟ ନେତା ଆଲୋଚନା କରିଛନ୍ତି । ଏହାପରେ ମୋଦି ଟୁଇଟ କରି କହିଥିଲେ ଯେ ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକଙ୍କ ସହ କଥା ହୋଇ ଖୁସି ଲାଗିଲା । ନୂଆ ପ୍ରଧାନମନ୍ତ୍ରୀ ଭାବେ କାର୍ଯ୍ୟଭାର ସମ୍ଭାଳିବାକୁ ନେଇ ଶୁଭେଚ୍ଛା ଜଣାଇଲି । ଆମେ ଆମର ବ୍ୟାପକ ରଣନୀତିକ ଭାଗିଦାରୀକୁ ଆହୁରି ମଜଭୁତ କରିବାକୁ ଯାଉଛୁ । ଆମେ ସନ୍ତୁଳିତ ବ୍ୟାପର ଚୁକ୍ତି(ଏଫଟିଏ)ର ତୁରନ୍ତ ନିଷ୍କର୍ଷର ମହତ୍ୱ ଉପରେ ରାଜି ହୋଇଛୁ ।
ଏବେ ମୋଦିଙ୍କ ଏହି ଟୁଇଟ୍ର ଉତ୍ତର ରଖିଛନ୍ତି ସୁନକ । ସେ ମୋଦିଙ୍କୁ ଧନ୍ୟବାଦ ଦେଇଛନ୍ତି । ସେ କହିଛନ୍ତି ବ୍ରିଟେନ ଓ ଭାରତ ମଧ୍ୟରେ ବହୁତ କିଛି ରହିଛି । ମୁଁ ଏହାକୁ ନେଇ ଉତ୍ସାହିତ ରହିଛି । ଆମର ଦୁଇ ମହାନ ଲୋକତନ୍ତ୍ର ଆଗାମୀ ଦିନ ଓ ବର୍ଷରେ ନିଜର ସୁରକ୍ଷା, ପ୍ରତିରକ୍ଷା ଓ ଆର୍ଥିକ ଭାଗିଦାରୀକୁ ମଜଭୁତ କରିବାକୁ ଯାଉଛୁ । ବ୍ରିଟେନର ନୂଆ ପ୍ରଧାନମନ୍ତ୍ରୀ ତଥା ମୂଳ ଭାରତୀୟ ଋଷି ସୁନକଙ୍କ ଘର ଏବେ ୧୦ ଡାଉନିଂଗ ଷ୍ଟ୍ରିଟ ହେବ । ସୁନକଙ୍କ ପ୍ରବକ୍ତାଙ୍କ ସୂଚନା ଅନୁଯାୟୀ, ସେ ଏବେ ବେଶ ଖୁସି ଅଛନ୍ତି । ୧୦ ଡାଉନିଂଗ ଷ୍ଟ୍ରିଟ ବ୍ରିଟିଶ ପ୍ରଧାନମନ୍ତ୍ରୀଙ୍କ ବାସସ୍ଥାନ ଭାବେ ପରିଚିତ । ଏଠାରେ ପ୍ରଧାନମନ୍ତ୍ରୀଙ୍କ ଅଫିସିଆଲ ବାସଗୃହ ସହ କାର୍ଯ୍ୟାଳୟ ବି ରହିଛି । ଏଠାରେ ବିଶ୍ୱ ନେତାଙ୍କଠାରୁ ଆରମ୍ଭ କରି ରାଜପରିବାରର ଅତିଥିଙ୍କର ମଧ୍ୟ ସ୍ୱାଗତ ସତ୍କାର କରାଯାଇଥାଏ ।
Thank you Prime Minister @NarendraModi for your kind words as I get started in my new role.
The UK and India share so much. I'm excited about what our two great democracies can achieve as we deepen our security, defence and economic partnership in the months & years ahead. pic.twitter.com/Ly60ezbDPg
— Rishi Sunak (@RishiSunak) October 27, 2022
