କୁଏତ,୧୨।୯: ୧୯୯୦ରେ ଇରାକ କୁଏତ ଉପରେ ଆକ୍ରମଣ କରିଥିଲା। ବ୍ରିଟିଶ ଯାତ୍ରୀ ଏବଂ କର୍ମଚାରୀମାନେ ମଧ୍ୟ ଇରାକ ଏବଂ କୁଏତ ମଧ୍ୟରେ ଚାଲିଥିବା ଯୁଦ୍ଧର ଶିକାର ହୋଇଥିଲେ। ଯୁଦ୍ଧରେ ବ୍ରିଟିଶ ଯାତ୍ରୀ ଏବଂ କର୍ମଚାରୀଙ୍କୁ ବନ୍ଧକ ରଖାଯାଇଥିଲା। ବର୍ତ୍ତମାନ ସେହି ବିମାନରେ ଥିବା ବ୍ରିଟିଶ ଏୟାରୱେଜ ଯାତ୍ରୀ ଏବଂ କ୍ରୁ ସଦସ୍ୟମାନେ ବ୍ରିଟିଶ ସରକାର ଏବଂ ଏୟାରଲାଇନ୍ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଚାହୁଁଛନ୍ତି। ମଙ୍ଗଳବାର ଏକ ଆଇନ ସଂସ୍ଥା ଏହି ସୂଚନା ଦେଇଛି।
ରିପୋର୍ଟ ଅନୁଯାୟୀ, ବିଏ ଫ୍ଲାଇଟ ୧୪୯ର ସମସ୍ତ ଯାତ୍ରୀଙ୍କୁ ସେହି ସମୟରେ ବିମାନରୁ ବାହାର କରିଦିଆଯାଇଥିଲା, ଯେତେବେଳେ ସଦ୍ଦାମ ହୁସେନଙ୍କ ସୈନ୍ୟମାନେ କିଛି ଘଣ୍ଟା ପୂର୍ବରୁ କୁଏତ ଉପରେ ଆକ୍ରମଣ କରିଥିଲେ। ଏହି ମାମଲାରେ ଯାତ୍ରୀମାନେ ଅଭିଯୋଗ କରିଛନ୍ତି ଯେ, ଯଦି କୁଏତର ବ୍ରିଟିଶ ରାଷ୍ଟ୍ରଦୂତ ଏୟାରୱେଜକୁ ସୂଚନା ଦେଇଥିଲେ ତେବେ ବିମାନକୁ କାହିଁକି ସେଠାରେ ଅବତରଣ କରାଯାଇଥିଲା।
