ବିଶାଖାପଟ୍ଟନମ,୩।୫ : ବୁଧବାର ଆନ୍ଧ୍ରପ୍ରଦେଶର ଶ୍ରୀକାକୁଲମରେ ଏକ ବଡ଼ ଦୁର୍ଘଟଣା ଘଟିଛି। ଶ୍ରୀକାକୁଲମ ଜିଲାର ଇଚ୍ଛାପୁରମ ନିକଟ ବାହୁଡା ନଦୀ ଉପରେ ନିର୍ମିତ ଏକ ପୋଲ ଭୁଶୁଡି ପଡିଛି। ପୋଲ ଉପରୁ ୭୦ ଟନ ଓଜନର ଏକ ପଥର ଲରି ବାହାରକୁ ଆସୁଥିଲା, ଯାହାର ଓଜନ ବ୍ରିଜ ସମ୍ଭାଳି ପାରିଲା ନାହିଁ ଏବଂ ପରେ ଭୁଶୁଡି ପଡିଲା। ତେବେ ଆନ୍ଧ୍ରପ୍ରଦେଶରେ ହୋଇଥିବା ଏହି ପୋଲ ଦୁର୍ଘଟଣାରେ ଧନଜୀବନ ହାନୀ କୌଣସି ସୂଚନା ନାହିଁ। ତେବେ ପୋଲ ଭୁଶୁଡ଼ିବା କାରଣରୁ ଟ୍ରାଫିକ ବ୍ୟବସ୍ଥା ନେଇ ସମସ୍ୟା ଉପୁଜିଛି।
ଗଣମାଧ୍ୟମ ରିପୋର୍ଟ ଅନୁଯାୟୀ, ଏହି ପୋଲ ବ୍ରିଟିଶ ସମୟରେ ନିର୍ମିତ ହୋଇଥିଲା। ଏହା ୧୯୨୯ ମସିହାରେ ନିର୍ମିତ ହୋଇଥିବା କୁହାଯାଇଛି। ଭାଙ୍ଗିଥିବା ଏହି ପୋଲ ପ୍ରାୟ ୯୪ ବର୍ଷ ପୁରୁଣା ଥିଲା। ବ୍ରିଟିଶ ସମୟରେ ଏହି ପୋଲ ଏକ ପ୍ରମୁଖ ମାର୍ଗ ଥିଲା। କାରଣ ଇଚ୍ଛାପୁରମ ସହର ଏହା ଦେଇ ଜାତୀୟ ରାଜପଥ ସହିତ ସଂଯୁକ୍ତ ଥିଲା।
ବୁଧବାର ସକାଳ ୬ ଟାରେ ବାହୁଡା ନଦୀ ଉପରେ ନିର୍ମିତ ଏହି ପୋଲ ଭାଙ୍ଗିଯାଇଥିବା କୁହାଯାଇଛି।
