ବ୍ରହ୍ମପୁର ଅଫିସ,୫ା୪: ବ୍ରହ୍ମପୁର ଗୋଷାଣୀନୂଆଗାଁ ଥାନା ପଛପାଖରେ ଥିବା ରାଜୀବ ଆବାସ ଯୋଜନା ଘରେ ବୁଧବାର ଏକ ହତ୍ୟାକାଣ୍ଡ ଘଟିଛି। ସାନଭାଇଙ୍କୁ ଡମ୍ବଲ୍ସ(ବାୟାମ ଲୁହା)ରେ ଛେଚି ମଝିଆ ଭାଇ ହତ୍ୟା କରିବା ପରେ ଥାନାରେ ଆତ୍ମସମର୍ପଣ କରିଛନ୍ତି। ମୃତକ ହେଲେ ନେହୁରନଗର ୧୦ମ ଗଳି ରାଜୀବ ଅବାସ ଯୋଜନା ବ୍ଲକ୍ ବି’ର ୧୦୬ନଂ ଘରେ ରହୁଥିବା ସୁରେନ୍ଦ୍ର ବେହେରା ଓରଫ୍ ବୁଡ଼ୁ (୩୧)। ସାନ ଭାଇଙ୍କୁ ହତ୍ୟା କରିବା ପରେ ମଝିଆ ଭାଇ ପୂର୍ଣ୍ଣ ବେହେରା (୩୫) ଥାନାରେ ଆତ୍ମସମର୍ପଣ କରିଛନ୍ତି। ପୋଲିସ ମୃତଦେହ ବ୍ୟବଚ୍ଛେଦ କରିଛି। ମୃତକଙ୍କ ମା’ ସୀମା ବେହେରାଙ୍କ ଅଭିଯୋଗ କ୍ରମେ ଥାନାରେ ନଂ.୯୪/୨୩ ଏକ ମାମଲା ରୁଜୁ କରି ଅଭିଯୁକ୍ତଙ୍କୁ ପୋଲିସ ଗିରଫ କରିଛି। ଘଟଣାସ୍ଥଳରୁ ରକ୍ତଭିଜା ଡମ୍ବଲ୍ସ ଜବତ କରିଛି।