ବାରିପଦା ଅଫିସ,୧୨ା୭: ମୟୂରଭଞ୍ଜ ଜିଲା ବେତନଟୀ ଥାନା ଭାଲୁକଚୁଆ ଖଡିଆସାହିରେ ମୋବାଇଲ ଫୋନକୁ ନେଇ ବଡ଼ଭାଇ ମାଡ଼ରେ ସାନଭାଇଙ୍କ ମୃତ୍ୟୁ ହୋଇଛି। ମୃତକ ହେଲେ ଶମ୍ଭୁ ଦେହୂରୀ(୧୮)। ପୋଲିସ ଅଭିଯୁକ୍ତ ବଡଭାଇ ରୁହିଆ ଦେହୂରୀଙ୍କୁ ଗିରଫ କରିଛି।
ପୋଲିସ ସୂଚନା ଅନୁଯାୟୀ, ଗତ ୧୦ତାରିଖ ସନ୍ଧ୍ୟାରେ ମୋବାଇଲ ଫୋନକୁ ନେଇ ରୁହିଆ ଓ ଶମ୍ଭୁଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ଏଥିରେ ଉତ୍କ୍ଷିପ୍ତ ହୋଇ ରୁହିଆ ଏକ ଟାଙ୍ଗିଆରେ ସାନ ଭାଇ ଶମ୍ଭୁଙ୍କୁ ଆକ୍ରମଣ କରିଥିଲେ। ଗୁରୁତର ହୋଇ ପଡ଼ିଥିବା ଶମ୍ଭୁଙ୍କୁ ପରିବାର ଲୋକେ ଡାକ୍ତରଖାନା ନ ନେଇ ଘରେ ରଖି ଚିକିତ୍ସା କରୁଥିଲେ। ସୋମବାର ସକାଳେ ତାଙ୍କର ମୃତ୍ୟୁ ଘଟିଥିଲା। ମୃତ ଶମ୍ଭୁଙ୍କ ବାପା ନର ଦେହୂରୀ ଏନେଇ ଥାନାରେ ଅଭିଯୋଗ କରିବାରୁ ପୋଲିସ ଅଭିଯୁକ୍ତଙ୍କୁ ଗିରଫ କରିଛି। ଥାନାରେ ଏକ ମାମଲା(ନଂ.୧୯୭/୨୧) ରୁଜୁ ହୋଇଛି।
