ଗଞ୍ଜାମ,୧୬।୯(ଡି.ଏନ୍.ଏ.): ଭାଇ ସାଜିଲା ଭଉଣୀର ଭଗାରୀ । ନିଜ ଭଉଣୀର ସୁନା ନାନୁ ଓ ଚେନ ଚୋରି କରି ଧରା ପଡିବା ପରେ ଭାଇକୁ ଜେଲ୍ ଯିବାକୁ ପଡିଛି । ଏଭଳି ଏକ ଘଟଣା ଦେଖିବାକୁ ମିଳିଛି ଗଞ୍ଜାମ ଥାନା କରଣ ସାହିରେ l ଉକ୍ତ ଚୋରି ଘଟଣାରେ ପୋଲିସ କରଣ ସାହିର ବୁଡୁ ତରାଇଙ୍କୁ ଗିରଫ କରି କୋର୍ଟ ଚାଲାଣ କରିଛି।
ଗଞ୍ଜାମ ଥାନା ଏସ୍ଆଇ ଅଜିତ କୁମାର ପରିଡାଙ୍କ ସୂଚନା ଅନୁସାରେ, କରଣ ସାହିର ସୁଜ୍ଞାନୀ ନିଜ ସୁନା ଚୋରି ନେଇ ଗଞ୍ଜାମ ଥାନାରେ ଏତଲା ଦେଇଥିଲେ । ଏତଲା ଆଧାରରେ ପୋଲିସ ତଦନ୍ତ ଆରମ୍ଭ କରିଥିଲା । ଏଥିରେ ସୁଜ୍ଞାନୀଙ୍କ ଭାଇ ଉପରେ ପୋଲିସର ସନ୍ଦେହ ହେବାରୁ ଥାନାକୁ ଆଣି ପଚରା ଉଚରା କରିଥିଲା । ଶେଷରେ ଭାଇ ବୁଡୁ ଏହି ସୁନା ଚୋରି କରି ଗଞ୍ଜାମ ଅଞ୍ଚଳର ଦୁଇଜଣଙ୍କୁ ବନ୍ଧକ ରଖି ଟଙ୍କା ନେଇଥିବା ବୁଡୁ ପୋଲିସ ଆଗରେ ସ୍ବୀକାର କରିଥିଲେ । ପୋଲିସ ମାମଲା ନଂ(୧୫୮/୨୧)ରେ ବୁଡୁଙ୍କୁ କୋର୍ଟଚାଲାଣ କରାଯାଇଛି ବୋଲି ଏସ୍ଆଇ ପରିଡା ସୂଚନା ଦେଇଛନ୍ତି।
