କେବେ ଆପଣଙ୍କ ସହ ଏମିତି ହୋଇଛି କି ଖାଦ୍ୟ ପ୍ୟାକେଟ ଘରକୁ ଆଣିଥିବେ ଖୋଲିଲା ବେଳକୁ ଏଥିରୁ ଭୟଙ୍କର କୌଣସି ଜୀବଜନ୍ତୁ ବାହାରିବେ। ଆପଣ ନିଶ୍ଚିତ ଭୟରେ ଥରି ଉଠିବେ। ଠିକ୍ ଏବେ ଏମିତି ଏକ ଘଟଣା ଅଷ୍ଟ୍ରେଲିଆର ସିଡ୍ନୀ ସହରରେ ଘଟିଛି। ଜଣେ ବ୍ୟକ୍ତି ବଜାରରୁ ସାଲାଡ କିଣି ଆଣିଥିଲେ। ଘରେ ପହଞ୍ଚିବା ପରେ ପ୍ୟାକେଟ୍ ଖୋଲିବାରୁ ଏଥିରୁ ଏକ ବିଷଧର ସାପ ବାହାରିଲା।
ଆଲେକ୍ଜାଣ୍ଡାର ହ୍ବାଇଟ୍ ନାମକ ଜଣେ ବ୍ୟକ୍ତି ଏବଂ ତାଙ୍କ ସ୍ତ୍ରୀ ଏମିଲି ନେଟି ସିଡ୍ନୀର ଏକ ସୁପରମାର୍କେଟ ଯାଇଥିଲେ। ଆଲେକ୍ଜାଣ୍ଡାର ପନିପରିବା ଏବଂ ସାଲାଡ କିଣି ଆଣିଥିଲେ। ଘରେ ପହଞ୍ଚି ପ୍ୟାକେଟ୍ ଖୋଲିବାରୁ ସାପ ଦେଖି ଆଶ୍ଚର୍ଯ୍ୟ ହେଲେ। ସାପଟି ପ୍ୟାକେଟରେ ଘୂରି ବୁଲୁଥିଲା। ପ୍ରଥମେ ଆଲେକ୍ଜାଣ୍ଡାର ଏବଂ ତାଙ୍କ ସ୍ତ୍ରୀ ଭାବିଲେ କୌଣସି ଏକ ଛୋଟ ଜୀବ। ମାତ୍ର ପରେ ଯେତେବେଳେ ଜାଣିଲେ ଭୟରେ ଥରି ଉଠିଲେ। ଏହି ସାପର ଲମ୍ବ ୨୦ ସେଣ୍ଟିମିଟର ଥିଲା। ଏହା ଛୋଟ କିନ୍ତୁ ବିଷଧର ଥିଲା। ପରେ ସାପଟିକୁ ନେଇ ଜଙ୍ଗଲରେ ଛାଡ଼ି ଦେଇଥିଲେ।