ଆଳି, ୧।୧୦(ଡି.ଏନ.ଏ )-ବଲିଉଡ ଅଭିନେତ୍ରୀଙ୍କ ଡ୍ରଗ୍ସ କାରବାର୍କୁ ନେଇ ଚର୍ଚ୍ଚା ଜୋର ଧରିଥିବା ବେଳେ ଆଳିରୁ ବ୍ରାଉନସୁଗାର ଜବତ ହେବା ଘଟଣା ସମଗ୍ର କେନ୍ଦ୍ରାପଡ଼ା ଜିଲାରେ ହଇଚଇ ସୃଷ୍ଟି କରିଛି। ଆଳି ପୋଲିସ ବୁଧବାର ରାତିରେ ପତ୍ରପୁର ସେତୁ ନିକଟରେ ଜଣେ ଯୁବକଙ୍କ ନିକଟରୁ ପ୍ରାୟ ୨ ଲକ୍ଷ ଟଙ୍କା ମୂଲ୍ୟର ବ୍ରାଉନସୁଗାର ଜବତ କରିଛି । ସୂଚନା ମୁତାବକ ବୁଧବାର ସାରେ ଆଳି ଥାନା ସବଇନ୍ସପେକ୍ଟର ସୌମ୍ୟରଞ୍ଜନ ପାଣିଗ୍ରାହୀଙ୍କ ନେତୃତ୍ୱରେ ଏକ ଟିମ ପତ୍ରପୁର ସେତୁ ନିକଟରେ ପାଟ୍ରୋଲିଂ କରୁଥିବା ବେଳେ ପଟ୍ଟାମୁଣ୍ଡାଇ ଦକ୍ଷିଣଡିହା ଗ୍ରାମର ରମାକାନ୍ତ ଦାସ ଆଳି ଆଡ଼କୁ ଏକ ସ୍କୁଟି ନେଇ ଆସୁଥିଲେ। ପୋଲିସକୁ ଦେଖି ରମାକାନ୍ତ ଗାଡି ବୁଲାଇ ପଳାଇଯିବାକୁ ଉଦ୍ୟମ କରିବା ବେଳେ ପୋଲିସ ତାଙ୍କୁ ମାଡି ବସିଥିଲା। ପୋଲିସ ରମାକାନ୍ତଙ୍କୁ ଚେକିଂ କରିବା ପରେ ତା ପକେଟରୁ ବ୍ରାଉନ୍ସୁଗାର ମିଳିଥିଲାl ପୋଲିସ ଯୁବକଙ୍କୁ ଗିରଫ କରିବା ସହିତ ସ୍କୁଟି ଜବତ କରିଛି।