ବେଙ୍ଗାଲୁରୁ, ୩୧।୧: କର୍ନାଟକର ପୂର୍ବତନ ମୁଖ୍ୟମନ୍ତ୍ରୀ ବି.ଏସ୍. ୟେଦୁରୁପ୍ପା ରାଜନୀତିରୁ ସନ୍ନ୍ୟାସ ନେଇ ଘୋଷଣା କରିଛନ୍ତି। ଭାଜପାର କେନ୍ଦ୍ରୀୟ ସଂସଦୀୟ କମିଟିର ସେ ସଦସ୍ୟ ଥିବା ବେଳେ ରାଜନୀତିରେ ରହିବେ ବୋଲି ସ୍ପଷ୍ଟ କରିଛନ୍ତି।
ବେଲାଗାଭିରେ ଗଣମାଧ୍ୟମକୁ ସୂଚନା ଦେଇ ୟେଦୁରୁପ୍ପା କହିଛନ୍ତି, ସେ ଆଗାମୀ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ। ଭବିଷ୍ୟତରେ ମଧ୍ୟ କୌଣସି ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାର ଯୋଜନା ନାହିଁ। ଏବେ ତାଙ୍କର ବୟସ ୮୦ ବର୍ଷ। ଏଣୁ ସେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିପାରିବେ ନାହିଁ। ହେଲେ ସେ ସକ୍ରିୟ ରାଜନୀତିରେ ରହିବେ। ବର୍ତ୍ତମାନ ରାଜ୍ୟରେ ଭାଜପା ସରକାରକୁ କ୍ଷମତାକୁ ଆଣିବା ତାଙ୍କର ଏକମାତ୍ର ଲକ୍ଷ୍ୟ । ବିଶେଷକରି ୨୦୨୪ ଲୋକ ସଭା ନିର୍ବାଚନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କ୍ଷମତାକୁ ଫେରିବା ନିଶ୍ଚିତ କରିବା ଦିଗରେ ସେ କାର୍ଯ୍ୟ କରିବେ ବୋଲି କହିଛନ୍ତି।
ଏହାଛଡ଼ା ସେ ଏକ ବର୍ଷ ପୂର୍ବେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବାବେଳେ କୌଣସି ନିର୍ବାଚନରେ ପ୍ରତିଦ୍ୱନ୍ଦ୍ୱିତା ନ କରିବାକୁ ନିଷ୍ପତ୍ତି ନେଇଥିଲେ ବୋଲି ୟେଦୁରୁପ୍ପାକହିଛନ୍ତି।