ଶ୍ରୀନଗର, ୭।୬ : ଜମ୍ମୁ-କଶ୍ମୀରର କାନାଚକ ଅଞ୍ଚଳରେ ସୁରକ୍ଷା ବାହିନୀ ପୁଣିଥରେ ପାକିସ୍ତାନୀ ଆତଙ୍କବାଦୀଙ୍କ ଷଡଯନ୍ତ୍ରକୁ ପଣ୍ଡ କରିଛନ୍ତି। ସୀମା ଆରପାରିକୁ ପଠାଯାଇଥିବା ଏକ ଡ୍ରୋନ୍କୁ ବିଏସ୍ଏଫ୍ ପକ୍ଷରୁ ଗୁଳି କରି ଖସାଇ ଦିଆଯାଇଛି। ସୋମବାର-ମଙ୍ଗଳବାର ବିଳମ୍ବିତ ରାତିରେ ଅନ୍ତର୍ଜାତୀୟ ସୀମାରେ ଡ୍ରୋନ୍ ଉଡ଼ି ବୁଲୁଥିବାର ଦେଖିବାକୁ ମିଳିଥିଲା। ଏହା ପରେ ବିଏସ୍ଏଫ୍ ଯବାନମାନେ ଗୁଳି ଚଳାଇବା ଆରମ୍ଭ କରିଥିଲେ।
ସୂଚନା ପାଇବା ମାତ୍ରେ ସମଗ୍ର ଅଞ୍ଚଳରେ ଏକ ସର୍ଚ୍ଚ ଅପରେଶନ ଆରମ୍ଭ କରାଯାଇଥିଲା । ବିଏସ୍ଏଫ୍ ଯବାନମାନେ ରାତିରେ ଏକ ପ୍ରକାର ଶବ୍ଦ ଶୁଣି ଡ୍ରୋନ ଉଡ଼ିବା ସନ୍ଦେହ କରିଥିଲେ। ଅଖନୋର ଅଞ୍ଚଳରେ ପ୍ରାୟ ୮୦୦ ମିଟର ଉଚ୍ଚରୁ ଏହି ଶବ୍ଦ ଶୁଣାଯାଉଥିଲା। ଯବାନମାନେ ଦୁଇ ରାଉଣ୍ଡ ଗୁଳି ଚଳାଇଲେ। ନ୍ୟୁଜ ଏଜେନ୍ସି ଏଏନଆଇ ଅନୁଯାୟୀ ସୁରକ୍ଷା କର୍ମୀଙ୍କୁ ତୁରନ୍ତ ନିୟୋଜିତ କରାଯାଇଥିଲା ଏବଂ ସେମାନେ ସାଧାରଣ ଅଞ୍ଚଳରେ ସର୍ଚ୍ଚ ଅପରେଶନ କରି ଗୁଳି ଚଳାଇବା ଆରମ୍ଭ କରିଥିଲେ। ଡ୍ରୋନ ସହିତ ସଂଲଗ୍ନ ହୋଇଥିବା ପେ ଲୋଡ ତଳକୁ ଅଣା ଯାଇଥିଲା।
ପୋଲିସ ଅତିରିକ୍ତ ମହାନିର୍ଦ୍ଦେଶକ ମୁକେଶ ସିଂ କହିଛନ୍ତି ଯେ ଏହି ପେ ଲୋଡ ରେ ଏକ ଟାଇମର୍ ସେଟ ସହିତ ପିଲାମାନଙ୍କ ଟିଫିନ ବାକ୍ସ ଭିତରେ ପ୍ୟାକ ହୋଇଥିବା ତିନୋଟି ଚୁମ୍ବକୀୟ ଆଇଇଡି ରହିଛି। ପରେ ଏହାକୁ ନିଷ୍କ୍ରିୟ କରି ଦିଆଯାଇ ଥିଲା। ସେ କହିଛନ୍ତି ଯେ ଭାରତ-ପାକିସ୍ଥାନ ସୀମାରେ ଡ୍ରୋନ୍ ଦ୍ୱାରା ଆକ୍ରମଣ ବିପଦ ଏବେ ବଢ଼ିବାରେ ଲାଗିଛି। ସୀମା ଆରପାର୍ଶ୍ୱରୁ କୌଣସି ପ୍ରକାରର ଅନୁପ୍ରବେଶ ଉଦ୍ୟମକୁ ରାକିବା ପାଇଁ ଏହି ଅଞ୍ଚଳରେ ସୁରକ୍ଷା ବାହିନୀ ନିୟୋଜିତ କରାଯାଇଛି। ଲଗାତାର ପାଟ୍ରୋଲିଂ କରାଯାଉଛି ବୋଲି ସେ ସୂଚନା ପ୍ରଦାନ କରିଛନ୍ତି।