ମୁମ୍ବାଇ,୨୭।୫: ଗଲା ସପ୍ତାହରେ ଶେୟାର ବଜାର ଉତ୍ସାହ ଚଳିତ ସପ୍ତାହରେ ମଧ୍ୟ ଜାରି ରହିଛି। ସୋମବାର ଅର୍ଥାତ୍ ମେ ୨୭ ତାରିଖରେ ଶେୟାର ବଜାରର ଦୁଇ ବେଞମାର୍କ ଜବରଦସ୍ତ ଉତ୍ସାହ ସହିତ ଖୋଲିଥିଲା।
ସେନ୍ସେକ୍ସ ୨୦୦ ପଏଣ୍ଟ ବୃଦ୍ଧି ସହିତ ୭୫,୬୫୫.୪୬ ସ୍ତର ଅତିକ୍ରମ କରିଥିଲା ବେଳା ନିଫ୍ଟି ପ୍ରାୟ ୮୦ ପଏଣ୍ଟ ବୃଦ୍ଦି ସହିତ ୨୩,୦୩୮.୯୫ ରେ ଖୋଲିଥିଲା।
ଗତ ସପ୍ତାହରେ, ସେନସେକ୍ସ ୧,୪୦୪ ପଏଣ୍ଟ ବା ୧.୯୦ ପ୍ରତିଶତ ବୃଦ୍ଧି ସହିତ ୭୫,୪୧୦ ପଏଣ୍ଟରେ ବନ୍ଦ ହୋଇଯାଇଥିଲା। ଏହି ଅବଧି ମଧ୍ୟରେ, ବିଏସଇ ସେନସେକ୍ସ ୭୫,୬୩୬ ପଏଣ୍ଟ ଛୁଇଁ ସର୍ବକାଳୀନ ଉଚ୍ଚତା ଉଚ୍ଚତିରେ ପହଞ୍ଚିଥିଲା। ଏହି ସମୟରେ, ନିଫ୍ଟି ୪୫୫ ପଏଣ୍ଟ କିମ୍ବା ୨ ପ୍ରତିଶତ ବୃଦ୍ଧି ପାଇ ୨୨,୯୫୭ ପଏଣ୍ଟରେ ବନ୍ଦ ହୋଇଥିଲା।
ଏହା ବ୍ୟତୀତ ଗତ ସପ୍ତାହରେ ଏଫଆଇଆଇ ବଜାରରେ ୧,୧୬୫.୫୪ କୋଟି ଟଙ୍କା ବିକ୍ରି କରିଛି, ଯାହା ଗତ କିଛି ସପ୍ତାହ ମଧ୍ୟରେ ସର୍ବନିମ୍ନ ଅଟେ। ଏହା ସ୍ପଷ୍ଟ ଭାବରେ ଦର୍ଶାଉଛି ଯେ ବିଦେଶୀ ନିବେଶକମାନେ ପୁନର୍ବାର ଭାରତୀୟ ବଜାରରେ ଆତ୍ମବିଶ୍ୱାସ ପ୍ରଦର୍ଶନ କରୁଛନ୍ତି।