![](https://www.dharitri.com/wp-content/uploads/2024/07/WhatsApp-Image-2024-07-26-at-4.46.15-PM.jpeg)
ନୂଆଦିଲ୍ଲୀ,୨୬।୦୭: ଖୁବ୍ଶୀଘ୍ର ଦେଶରେ ୪ଜି ସେବା ଲଞ୍ଚ୍ କରିବାକୁ ଯାଉଛି ଭାରତ ସଞ୍ଚାର ନିଗମ ବା ବିଏସ୍ଏନ୍ଏଲ୍ । ପ୍ରାଇଭେଟ୍ ଟେଲିକମ୍ କମ୍ପାନୀମାନଙ୍କୁ ଟକ୍କର ଦେବା ପାଇଁ ବିଏସ୍ଏନ୍ଏଲ୍ ଯୋଜନା କରୁଛି । ନିକଟରେ ପ୍ରାଇଭେଟ୍ କାମ୍ପାନୀଗୁଡ଼ିକ ରିଚାର୍ଜ ପ୍ଲାନ୍ରେ ୬୦୦ ଟଙ୍କା ପର୍ଯ୍ୟନ୍ତ ବୃଦ୍ଧି କରିଛନ୍ତି । କିନ୍ତୁ BSNL ଏହାର ପ୍ଲାନ୍ରେ କୌଣସି ପରିବର୍ତ୍ତନ କରିନାହିଁ । ବରଂ ଉପଭୋକ୍ତାଙ୍କୁ କମ୍ ଟଙ୍କାରେ ଲମ଼୍ବା ଭାଲିଡିଟି ଦେଉଛି ।
ବିଏସଏନଏଲର ୩୩୬ ଦିନ ପାଇଁ ଶସ୍ତା ରିଚାର୍ଜ ପ୍ଲାନ୍ ଆଣିଛି । ଯେଉଁଥିରେ ସାରା ଦେଶରେ ଯେକୌଣସି ନମ୍ବରକୁ କଲ କରିପାରିବେ ବ୍ୟବହାରକାରୀ । ଏହା ସହିତ, ଏହି ଯୋଜନାରେ ଇନ୍କମିଂ ଏବଂ ଆଉଟ୍ ଗୋଇଙ୍ଗ୍ କଲ ସହିତ ଦିଲ୍ଲୀ ଓ ମୁମ୍ବାଇରେ ମାଗଣା ରୋମିଂର ସୁବିଧା ମଧ୍ୟ ମିଳିପାରିବ । ମାତ୍ର ୧,୪୯୯ ଟଙ୍କାରେ BSNL ର ଏହି ପ୍ରିପେଡ ରିଚାର୍ଜ ପ୍ଲାନ୍ ଆଣିଛି । ଏହା ବ୍ୟତୀତ, ଉପଭୋକ୍ତା ଏହି ପ୍ରିପେଡ ଯୋଜନାରେ ପ୍ରତିଦିନ ୧୦୦ଟି ମାଗଣା SMS ର ଲାଭ ମଧ୍ୟ ପାଇବେ । BSNL ର ଏହି ପ୍ଲାନରେ ଉପଭୋକ୍ତାମାନଙ୍କୁ ମୋଟ ୨୪ ଜିବି ଡାଟା ପ୍ରଦାନ କରାଯାଇଥାଏ, ଯାହା ଉପଭୋକ୍ତାମାନେ ଯେ କୌଣସି ସମୟରେ ବ୍ୟବହାର କରିପାରିବେ ।