ନୂଆଦିଲ୍ଲୀ,୩।୧୨: ବିଏସ୍ଏନ୍ଏଲ୍ ଗ୍ରାହକଙ୍କ ପାଇଁ ୩ ନୂଆ ପୋଷ୍ଟପେଡ୍ ପ୍ଲ୍ାନ ବଜାରକୁ ଆସିଛି। କମ୍ପାନୀ ପକ୍ଷରୁ ଏହାର ଦାମ ଯଥାକ୍ରମେ ୧୯୯,୭୯୮,୯୯୯ ରଖାଯାଇଛି। ଏହି ପ୍ଲାନରେ ଗ୍ରାହକଙ୍କୁ ଅସୀମିତ କଲ୍ର ସୁବିଧା ସହ ଅନ୍ୟ ଲାଭ ମିଳିବ।
୧୯୯ ଟଙ୍କାର ପ୍ଲାନରେ ବିଏସ୍ଏନ୍ଏଲ୍ରୁ ବିଏସ୍ଏନ୍ଏଲ୍ ନେଟଓ୍ବାର୍କକୁ ମାଗଣା କଲ୍ର ସୁବିଧା ମିଳିବ। ଏହାଛଡ଼ା ଅନ୍ୟ ନେଟଓ୍ବାର୍କ ପାଇଁ ୩୦୦ ମିନିଟ୍ ରହିବ। ପ୍ଲାନରେ ୨୫ ଜିବି ଡାଟା, ୧୦୦ ମେସେଜର ସୁବିଧା ଗ୍ରାହକ ପାଇବେ। ଡାଟା ଶେଷ ହେବା ପରେ ବ୍ୟବହାରକାରୀ ପ୍ରତି ଜିବିକୁ ୧୦.୨୪ ଟଙ୍କା ଦେବାକୁ ହେବ।
୭୯୮ଟଙ୍କାର ପ୍ଲାନରେ ଅନ୍ଲିମିଟେଡ୍ କଲିଂ, ୫୦ ଜିବି ହାଇସ୍ପିଡ୍ ଡାଟା, ୧୫୦ ଜିବି ଡାଟା ରୋଲ ଓଭର, ୧୦୦ ଏସ୍ଏମ୍ଏସ୍ର ସୁବିଧା ରହିଛି। ଏହାଛଡ଼ା ଏଥିରେ ଗ୍ରାହକଙ୍କୁ ୨ ଫାମିଲି କନେକ୍ସନ ମଧ୍ୟ ଦିଆଯାଉଛି। ଏଥିରେ ଅନଲିମିଟେଡ୍ କଲର ସୁବିଧା, ୫୦ଜିବି ଡାଟା ଏବଂ ୧୦୦ ମେସେଜ ରହିଛି। ସେହିଭଳି ୯୯୯ ଟଙ୍କିଆ ପ୍ଲାନରେ ଅନ୍ଲିମିଟେଡ୍ କଲିଂ, ୭୫ଜିବି ଡାଟା, ୨୨୫ ଜିବି ପର୍ଯ୍ୟନ୍ତ ରୋଲ ଓଭର, ୧୦୦ ଏସ୍ଏମ୍ଏସ୍ର ସୁବିଧା ମିଳିବ। ଏଥିରେ ୩ ଫାମିଲି କନେକ୍ସନ ମଧ୍ୟ ଗ୍ରାହକ ପାଇପାରିବେ।