ବଜେଟରେ କୃଷି କ୍ଷେତ୍ର ଉପରେ ଧ୍ୟାନ: ଚାଷୀଙ୍କ ପାଇଁ ହୋଇଛି ଏହି ସବୁ ଘୋଷଣା

ନୂଆଦିଲ୍ଲୀ,୧।୨: ଆଜି ମୋଦି ସରକାରଙ୍କ ଦ୍ୱିତୀୟ କାର୍ଯ୍ୟକାଳର ଶେଷ ବଜେଟକୁ ଅର୍ଥମନ୍ତ୍ରୀ ନିର୍ମଳା ସୀତାରମଣ ଉପସ୍ଥାପନ କରିଛନ୍ତି। ଯେଉଁଥିରେ ଅନେକ ଘୋଷଣା କରାଯାଇଛି। ଏହି ବଜେଟରେ ସମସ୍ତଙ୍କ ଉପରେ ଧ୍ୟାନ ଦିଆଯାଉଛି। ବଜେଟରେ କୃଷି କ୍ଷେତ୍ର ଉପରେ ମଧ୍ୟ ଅଧିକ ଧ୍ୟାନ ଦିଆଯାଇଛି। ଦୁଗ୍ଧ ଚାଷୀଙ୍କ ପାଇଁ ଏକ ବ୍ୟାପକ କାର୍ଯ୍ୟକ୍ରମ କରାଯିବ ବୋଲି ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି।

ବଜେଟ ଉପସ୍ଥାପନ କରିବାବେଳେ ଅର୍ଥମନ୍ତ୍ରୀ କହିଛନ୍ତି, ଭାରତ ହେଉଛି ବିଶ୍ୱର ବୃହତ୍ତମ ଦୁଗ୍ଧ ଉତ୍ପାଦନକାରୀ। କିନ୍ତୁ ଏଠାରେ ଦୁଗ୍ଧ ପଶୁମାନଙ୍କର କୌଣସି ଉତ୍ପାଦକତା ନାହିଁ । ଦୁଗ୍ଧ ଚାଷୀଙ୍କୁ ସାହାଯ୍ୟ କରିବା ପାଇଁ ଏକ ବ୍ୟାପକ କାର୍ଯ୍ୟକ୍ରମ ପ୍ରସ୍ତୁତ କରାଯିବ ବୋଲି ସେ କହିଛନ୍ତି। ଅର୍ଥମନ୍ତ୍ରୀ ଆହୁରି କହିଛନ୍ତି ଯେ ଭାରତ ହେଉଛି ବିଶ୍ୱର ବୃହତ୍ତମ ଦୁଗ୍ଧ ଉତ୍ପାଦନକାରୀ ଦେଶ କିନ୍ତୁ ଦେଶରେ ଦୁଗ୍ଧ ପଶୁମାନଙ୍କର କ୍ଷୀର ଉତ୍ପାଦନ କମ। ଏହି କାର୍ଯ୍ୟକ୍ରମ ରାଷ୍ଟ୍ରୀୟ ଗୋକୁଲ ମିଶନ, ଜାତୀୟ ପଶୁ ସମ୍ପଦ ମିଶନ ଏବଂ ଦୁଗ୍ଧ ପ୍ରକ୍ରିୟାକରଣ ଏବଂ ପଶୁପାଳନ ପାଇଁ ଭିତ୍ତିଭୂମି ବିକାଶ ପାଣ୍ଠି ପରି ବିଦ୍ୟମାନ ଯୋଜନାଗୁଡିକର ସଫଳତା ଉପରେ ଆଧାରିତ ହେବ।

ଏହା ବ୍ୟତୀତ ଅର୍ଥମନ୍ତ୍ରୀ ମତ୍ସ୍ୟ ସମ୍ପଦ ସମ୍ପର୍କରେ କହିଛନ୍ତି ଯେ, ଆମ ସରକାର ହିଁ ମତ୍ସ୍ୟଜୀବୀଙ୍କୁ ସାହାଯ୍ୟ କରିବାର ମହତ୍ତ୍ୱ ବୁଝିଛନ୍ତି ଏବଂ ଏକ ପୃଥକ ମତ୍ସ୍ୟପାଳନ ବିଭାଗ ପ୍ରତିଷ୍ଠା କରିଛନ୍ତି। ସେବେଠାରୁ ଆଭ୍ୟନ୍ତରୀଣ ଏବଂ ଜଳ କୃଷି ଉତ୍ପାଦନ ଦ୍ୱିଗୁଣିତ ହୋଇଛି। ୨୦୧୩-୧୪ ପରଠାରୁ ସାମୁଦ୍ରିକ ଖାଦ୍ୟ ରପ୍ତାନି ମଧ୍ୟ ଦ୍ୱିଗୁଣିତ ହୋଇଛି। ପ୍ରଧାନମନ୍ତ୍ରୀ ମତ୍ସ୍ୟ ସମ୍ପଦ ଯୋଜନାର କାର୍ଯ୍ୟକାରିତାକୁ ପ୍ରୋତ୍ସାହନ ଦିଆଯିବ।

ଅର୍ଥମନ୍ତ୍ରୀ କହିଛନ୍ତି, ନାନୋ ୟୁରିଆର ସଫଳ ରୂପାୟନ ପରେ ସମସ୍ତ କୃଷି-ଜଳବାୟୁ ଅଞ୍ଚଳରେ ବିଭିନ୍ନ ଫସଲରେ ନାନୋ ଡିଏପି ବ୍ୟବହାର କରାଯିବ। ୧୧.୮ କୋଟି ଚାଷୀଙ୍କୁ ସରକାରୀ ସହାୟତା ଦିଆଯାଇଛି। ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନା ମାଧ୍ୟମରେ ସିଧାସଳଖ କୋଟି ଚାଷୀଙ୍କୁ ପାଣ୍ଠି ହସ୍ତାନ୍ତର କରାଯାଉଛି। ଦେଶରେ ଖାଦ୍ୟ ଯୋଗାଣକାରୀମାନେ ପ୍ରଧାନମନ୍ତ୍ରୀ କିଷାନ ଯୋଜନାର ସୁବିଧା ପାଇଛନ୍ତି। ଏଥିସହ ପ୍ରଧାନମନ୍ତ୍ରୀ ଫସଲ ଯୋଜନାର ଲାଭ ଚାରି କୋଟି ଚାଷୀଙ୍କୁ ଦିଆଯାଉଛି।