ଆଗ୍ରା,୩୧ା୧- ଆମ ଦେଶରେ କ୍ରିକେଟକୁ ଆଗ୍ରାଧ୍ୟକାର ଦିଆଯାଏ। ଏକଥା କାହାକୁ ଅଛୁପା ନୁହେଁ। କିନ୍ତୁ ଅନ୍ୟ ଖେଳ ପ୍ରତି ଭାରତୀୟମାନେ ବିମୁଖ ହେଉଛନ୍ତି। ଏହାର ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି। ଅଷ୍ଟ୍ରେଲିଆରେ ସିରିଜ୍ ଜିତିବା ପରେ ଭାରତୀୟ ଦଳର ଯୁବ ଖେଳାଳିଙ୍କୁ ଏସ୍ୟୁଭି ମିଳିଥିବାବେଳେ ଜାତୀୟ ମହିଳା ରେସଲିଂ ପ୍ରତିଯୋଗିତାର ଚାମ୍ପିୟନଙ୍କୁ ପୁରସ୍କାର ସ୍ବରୂପ ପ୍ରଦାନ କରାଯାଉଛି ୧.୫ ଲକ୍ଷ ଟଙ୍କାର ମଇଁଷି।
କ୍ରିକେଟ ଠାରୁ କୁସ୍ତି ଅଧିକ ଶାରୀରିକ ଖେଳ । ଏଥିରେ ପ୍ରତିଦ୍ୱନ୍ଦ୍ୱୀଙ୍କୁ ମ୍ୟାଟ୍ରେ ହରାଇବା ପାଇଁ କ୍ରିକେଟଠାରୁ ଅଧିକ ବଳ ଦରକାର। କୁସ୍ତିଯୋଦ୍ଧାଙ୍କୁ ଅତ୍ୟଧିକ ପ୍ରୋଟିନ ଆବଶ୍ୟକ ହୁଏ। ଏଣୁ ରିସଲିଂ ପ୍ରତିଯୋଗିତାର ବିଜେତାଙ୍କୁ ମଇଁଷି ଦିଆଯିବା ଯୁକ୍ତିଯୁକ୍ତ ହୋଇପାରେ। ହେଲେ ଜାତୀୟ ମହିଳା ରେସଲିଂ ଚାମ୍ପିୟନଶିପ୍ ପ୍ରତିଯୋଗିତାର ଚାମ୍ପିୟନଙ୍କୁ ପୁରସ୍କାରରେ ମଇଁଷି ଦିଆଯିବା ଘଟଣା ଗ୍ରହଣ ଯୋଗ୍ୟ ନୁହେଁ।
ଏହି ଇଭେଣ୍ଟରେ ଚାମ୍ପିୟନଙ୍କୁ ପୁରସ୍କାର ବାବଦକୁ କ’ଣ ଦିଆଯିବ, ତାହାର ନିଷ୍ପତ୍ତି ନେବା ଲାଗି ଏକ କମିଟି ଗଠନ ହୋଇଥିଲା ବୋଲି ଦ୍ରୋଣାଚାର୍ଯ୍ୟ ପୁରସ୍କାର ପ୍ରାପ୍ତ ମହାବୀର କହିଛନ୍ତି। ସ୍ଥାନୀୟ କ୍ରୀଡ଼ା ପ୍ରେମୀଙ୍କ ଦାବି ଥିଲା ବିଜେତାଙ୍କୁ ୧.୫ ଲକ୍ଷ ଟଙ୍କାର ମଇଁଷି ଦିଆଯିବ, ଯାହାକି ରିସଲିଂ ଫେଡେରେଶନ ଅଫ୍ ଇଣ୍ଡିଆ (ଡବ୍ଲ୍ୟୁଏଫ୍ଆଇ)ର ସଭାପତି ବ୍ରିଜ ଭୂଷଣ ଶରନ ସିଂ ଘୋଷଣା କରିଛନ୍ତି। ଆଥ୍ଲେଟମାନେ ମଇଁଷିକୁ ଘରକୁ ନେବାକୁ ଇଚ୍ଛୁକ ନ ଥିଲେ, ଦେଢ଼ ଲକ୍ଷ ଟଙ୍କାର ପୁରସ୍କାରରାଶି ନେଇପାରିବେ ସେ ସ୍ପଷ୍ଟ କରିଛନ୍ତି।