ଧର୍ମଶାଳା,୧୯।୧୨(ବଟକୃଷ୍ଣ ପରିଡ଼ା): କଶ୍ମୀର ପୋଲିସର ମୋଷ୍ଟ ଓ୍ବାଣ୍ଟେଣ୍ଡ ଅଭିଯୁକ୍ତ ସୟଦ ଇଶାନ ବୁଖାରୀ(୩୭) ଗିରଫ ଘଟଣା ଦିନକୁ ଦିନ ଭିନ୍ନ ମୋଡ ନେଉଛି। ସୋମବାର ବୁଖାରୀଙ୍କ ସ୍ତ୍ରୀ ସେହେନାଜ୍ ପରଓ୍ବିନ୍ଙ୍କୁ ଚାକିରିରୁ ବହିଷ୍କୃତ କରାଯାଇଥିଲା। ତେବେ ମଙ୍ଗଳବାର ଏହି ଘଟଣା ଆଉ ଏକ ମୋଡ ନେଇଛି। ପୂର୍ବରୁ ୨୦୧୮ରେ ବୁଖାରୀଙ୍କ ଗତିବିଧିକୁ ଦେଖି ନେଉଳପୁର ଅଞ୍ଚଳର ଜଣେ ଖବରଦାତା ଦିଲ୍ଦାର ଚାନ୍ଦ ଧର୍ମଶାଳା ଧାନାରେ ବୁଖାରୀଙ୍କ ନାମରେ ଅଭିଯୋଗ କରିଥିଲେ।
ଉକ୍ତ ଖବରଦାତାଙ୍କ ୩ ମାସ ତଳେ ମୃତ୍ୟୁ ଘଟିଥିବା ବେଳେ ତାଙ୍କ ପରିବାର ଅସନ୍ତୋଷ ବ୍ୟକ୍ତ କରିଛନ୍ତି। ସେମାନେ ଅଭିଯୋଗ କରି କହିଛନ୍ତି ଯଦି ଧର୍ମଶଳା ପୋଲିସ ପୂର୍ବରୁ ଏହି ଘଟଣାକୁ ଗୁରତର ସହିତ ନେଇଥାନ୍ତା ତେବେ ବୁଖାରୀଙ୍କ ଭଳି ଜଣେ ଆତଙ୍କବାଦୀ ଦୀର୍ଘ ୫ ବର୍ଷ ଧରି ନେଉଳପୁରରେ ତାଙ୍କ ସାମ୍ରାଜ୍ୟ ବିସ୍ତାର କରିପାରି ନ ଥାନ୍ତେ।
ସୂଚନାଯୋଗ୍ୟ, ଖବରଦାଦା ଦିଲ୍ଦାରଙ୍କ ଜଣେ ବନ୍ଧୁଙ୍କ ଭଉଣୀ ହେଉଛନ୍ତି ବୁଖାରୀଙ୍କ ସ୍ତ୍ରୀ ପରଓ୍ବିନ୍। ପରଓ୍ବିନ୍ ପୂର୍ବରୁ ବିବାହ କରିଥିଲେ। ମାତ୍ର କୌଣସି କାରଣ
ପାଇଁ ସେ ଶାଶୁ ଘର ଛାଡ଼ି ବାପ ଘରେ ରହୁଥିଲେ। ଏହି ସମୟରେ ସେ ବୁଖାରୀଙ୍କ ସଂସ୍ପର୍ଶରେ ଆସିଥିଲେ। ମୋବାଇଲ୍ ଚାଟ୍ରୁ ତାଙ୍କ ସମ୍ପର୍କ ହୋଇଥିଲା । ପରେ ଏହା ଶାରୀରକ ସମ୍ପର୍କରେ ପରିଣତ ହୋଇଥିଲା। ବୁଖାରୀ ନିଜକୁ ଡାକ୍ତର ପରିଚୟ ଦେଇ ପରଓ୍ବିନ୍ଙ୍କୁ ପ୍ରେମ ଜାଲରେ ଫସାଇଥିଲେ। ୧୯ /୧୨ ୨୦୧୮ରେ ଖବରଦାତା ତାଙ୍କ ନାମରେ ଅଭିଯୋଗ କରିବାପରେ ପରଓ୍ବିନ୍ ଗର୍ଭବତୀ ଥିବା ଜଣାପଡ଼ିଥିଲା । ଏହି ଘଟଣାରେ ବୁଖାରୀଙ୍କୁ ଅଟକ ରଖାଯାଇଥିଲା ପରେ ପରଓ୍ବିନ୍ ସ୍ବାମୀଙ୍କ ପକ୍ଷ ନେଇ ଖବରଦାତାଙ୍କ ବିରୋଧରେ କହିଥିଲେ। ପୋଲିସ ବୁଖାରୀଙ୍କୁ ଛାଡ଼ି ଖବରଦାତାଙ୍କୁ ଅଟକ ରଖିଥିଲା। ଏହି ଘଟଣାରେ ଅନ୍ୟଜଣେ ଖବର ଦାତା ସୁରେଶ ବିଶ୍ୱାଳ ହସ୍ତକ୍ଷପ କରି ତାଙ୍କୁ ଆଣିଥିଲେ।