ମୁମ୍ବାଇ: ବଲିଉଡର ଜଣାଶୁଣା ଅଭିନେତା ଆମୀର ଖାଁ ତାଙ୍କ ଚମତ୍କାର ଅଭିନୟ ସହିତ ଲକ୍ଷ ଲକ୍ଷ ଲୋକଙ୍କ ହୃଦୟରେ ସ୍ଥାନ ପାଇଛନ୍ତି। ଆଜି ସେ ଯେଉଁ ଲକ୍ଜରିୟସ ଲାଇଫ ମେଣ୍ଟେନ କରୁଛନ୍ତି ସେଥିପାଇଁ ସେ ବହୁତ ପରିଶ୍ରମ କରିଛନ୍ତି। ମୁମ୍ବାଇର ପାଲି ହିଲ ଅଞ୍ଚଳରେ ତାଙ୍କର ଏକ ବିଳାସପୂର୍ଣ୍ଣ ଆପାର୍ଟମେଣ୍ଟ ଅଛି। ଏହା ବ୍ୟତୀତ ବେଲା ଭିସ୍ତା ଏବଂ ମାରିନା ଆପାର୍ଟମେଣ୍ଟରେ ତାଙ୍କର ଫ୍ଲାଟ ଅଛି।
ନିକଟରେ ପ୍ରକାଶିତ ରିପୋର୍ଟ ଅନୁଯାୟୀ, ଆମୀର ତାଙ୍କ ଆପାର୍ଟମେଣ୍ଟକୁ ଭାଙ୍ଗି ନୂଆ ଢଙ୍ଗରେ ଏହାକୁ ନିର୍ମାଣ କରିବାକୁ ଚାହୁଁଛନ୍ତି। ସେ ଏହି କାର୍ଯ୍ୟକୁ ସେ ଆଟମୋସ୍ଫିୟର ରିୟଲଟି ନାମକ ଏକ କମ୍ପାନୀକୁ ଦାୟିତ୍ୱ ଦେଇଛନ୍ତି। ଏହା ମଧ୍ୟ କୁହାଯାଇଛି ଯେ ବର୍ତ୍ତମାନ ପ୍ଲଟରେ ନିର୍ମିତ ନୂତନ ଆପାର୍ଟମେଣ୍ଟର କ୍ଷେତ୍ର ପୂର୍ବ ତୁଳନାରେ ବଡ ହେବ, ଯାହାର ମୂଲ୍ୟ ବର୍ଗଫୁଟ ପିଛା ୮୦ ହଜାରରୁ ୧ ଲକ୍ଷ ୨୫ ହଜାର ମଧ୍ୟରେ ହେବ। ମିଳିଥିବା ରିପୋର୍ଟ ଅନୁଯାୟୀ, ଆମୀର ଖୁବ ଶୀଘ୍ର ତାଙ୍କ ମାଙ୍କ ସହ ଚେନ୍ନାଇକୁ ଯିବାକୁ ଯାଉଛନ୍ତି। କୁହାଯାଉଛି ଯେ ତାଙ୍କ ମା’ଙ୍କ ଅସୁସ୍ଥତା ହେତୁ ସେ ମୁମ୍ବାଇରୁ ଚେନ୍ନାଇକୁ କିଛି ଦିନ ସ୍ଥାନାନ୍ତର କରିବାକୁ ନିଷ୍ପତ୍ତି ନେଇଛନ୍ତି।