ନୂଆଦିଲ୍ଲୀ,୯।୧୨: ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ୨ଟି ଟେଷ୍ଟ ମ୍ୟାଚ ସିରିଜ୍ ଖେଳାଯିବ। ତେବେ ଏହା ପୂର୍ବରୁ ଉଭୟ ଦଳ ଟି -୨୦ ଏବଂ ଦିନିକିଆ ମ୍ୟାଚରେ ମୁହାଁମୁହିଁ ହେବେ। ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ୩ଟି -୨୦ ମ୍ୟାଚ, ତା’ପରେ ୩ଟି ଦିନିକିଆ ମ୍ୟାଚ ଖେଳାଯିବ। ଯେଉଁଠାରେ ଟେଷ୍ଟ ସିରିଜ୍ ୨୬ ଡିସେମ୍ବରରୁ ଆରମ୍ଭ ହେବ । ଦୁଇ ଦଳ ମଧ୍ୟରେ ୨ଟେଷ୍ଟ ସିରିଜର ପ୍ରଥମ ମ୍ୟାଚ ୨୬ ଡିସେମ୍ବରରେ ସେଞ୍ଚୁରିଅନରେ ଖେଳାଯିବ। ଉଭୟ ଦଳର ଖେଳାଳିମାନେ ସିରିଜ ପୂର୍ବରୁ ନିଜକୁ ପ୍ରସ୍ତୁତ କରୁଛନ୍ତି।
ତେବେ ସୋସିଆଲ ମିଡିଆରେ ଏକ ଫଟୋ ଭାଇରାଲ ହୋଇଛି। ଏହି ଫଟୋରେ ଭାରତୀୟ ଦ୍ରୁତ ବୋଲର ଜସପ୍ରୀତ ବୁମ୍ରାଙ୍କୁ ଦେଖିବାକୁ ମିଳିଛି। ବାସ୍ତବରେ ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ସିରିଜ୍ ପୂର୍ବରୁ ଜସପ୍ରୀତ ବୁମ୍ରା ବହୁତ ଝାଳ ବୁହାଉଛନ୍ତି। ଦ୍ରୁତ ବୋଲରଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। ଏହା ବ୍ୟତୀତ ସୋସିଆଲ ମିଡିଆ ବ୍ୟବହାରକାରୀମାନେ ମନ୍ତବ୍ୟ ଦେଇ କ୍ରମାଗତ ଭାବରେ ନିଜର ମତାମତ ଦେଉଛନ୍ତି।
