![](https://www.dharitri.com/wp-content/uploads/2024/04/fdfd-2.jpg)
ମୁମ୍ବାଇ,୧୨।୪: ଆଇପିଏଲ ୨୦୨୪ରେ, ମୁମ୍ବାଇ ଇଣ୍ଡିଆନ୍ସ ବନାମ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମ୍ୟାଚ ୱାଙ୍ଖେଡେ ଷ୍ଟାଡିୟମରେ ଖେଳାଯାଉଛି। ମୁମ୍ବାଇ ଟସ ଜିତି ଆରସିବିକୁ ପ୍ରଥମେ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲା। ଫର୍ମରେ ଥିବା ବିରାଟ କୋହଲି ମାତ୍ର ୩ ରନ ସ୍କୋର କରିବା ପରେ ପାଭିଲିୟନକୁ ଫେରିଥିଲେ। ତାଙ୍କୁ ଆଉଟ୍ କରିଥିବା ବୋଲର ଅନ୍ୟ କେହି ନୁହଁନ୍ତି, ଜଶପ୍ରୀତ ବୁମ୍ରା। ବିରାଟ ତାଙ୍କ ଇନିଂସରେ ୯ଟି ବଲ ଖେଳିଥିଲେ, ଏଥିରେ ସେ ମାତ୍ର ୩ ରନ ସ୍କୋର କରିପାରନ୍ତି। ତାଙ୍କୁ ବୁମ୍ରାଙ୍କ ବଲରେ ଉଇକେଟ କିପର ଇଶାନ କିଶନ କ୍ୟାଚ୍ ଧରିଥିଲେ। ଏହା ପ୍ରଥମ ଥର ନୁହେଁ ଯେ, ବୁମ୍ରା କୋହଲିଙ୍କ ଉପରେ ପ୍ରାଧାନ୍ୟ ବିସ୍ତାର କରିଛନ୍ତି କାରଣ ବୁମରା ଏହି ଯୁଦ୍ଧରେ ୪ ଥର ଜିତିଛନ୍ତି।
ବୁମରା ୨୦୧୩ରେ ଆଇପିଏଲ ଡେବ୍ୟୁ କରିଥିଲେ ଏବଂ ଏହା ପରେ ଲିଗର ୧୧ଟି ସିଜନରେ ବିରାଟ କୋହଲି ଏବଂ ଜସପ୍ରୀତ ବୁମ୍ରା ଆଜି ପର୍ଯ୍ୟନ୍ତ ୧୬ ଇନିଂସରେ ମୁହାଁମୁହିଁ ହୋଇଛନ୍ତି। ବିରାଟ ଏହି ୧୬ ଇନିଂସରେ ବୁମରାଙ୍କ ଠାରୁ ୯୫ ବଲ୍ର ସମ୍ମୁଖୀନ ହୋଇଥିଲେ, ଏଥିରେ ସେ ୧୪୭.୪ର ଜବରଦସ୍ତ ଷ୍ଟ୍ରାଇକ ହାରରେ ୧୪୦ ରନ ସଂଗ୍ରହ କରିଥିଲେ। କିନ୍ତୁ ଏହି ଯୁଦ୍ଧରେ ୫ ଥର ବୁମ୍ରା ରାଜା କୋହଲିଙ୍କୁ ପାଭିଲିୟନକୁ ପଠାଇବାରେ ସଫଳ ହୋଇଛନ୍ତି। ଏମଆଇ ବନାମ ଆରସିବି ମ୍ୟାଚର ଏହି ଉଇକେଟ ଆଇପିଏଲରେ ପଞ୍ଚମ ଥର ଯେତେବେଳେ ବିରାଟ କୋହଲି ବୁମରାଙ୍କ ବଲରେ ଆଉଟ ହୋଇଥିଲେ।
ଜସପ୍ରୀତ ବୁମ୍ରା ପ୍ରଥମ ଥର ପାଇଁ ବିରାଟ କୋହଲିଙ୍କ ଉଇକେଟ ନେବାରେ ସଫଳ ହୋଇଥିଲେ। କିନ୍ତୁ ୨୦୧୪ ରୁ ୨୦୧୮ ପର୍ଯ୍ୟନ୍ତ ସେ ପୂର୍ବତନ ଆରସିବି ଅଧିନାୟକଙ୍କୁ ଥରେ ପ୍ୟାଭିଲିୟନକୁ ପଠାଇବାରେ ସକ୍ଷମ ହୋଇ ନ ଥିଲେ। କିନ୍ତୁ ୨୦୧୯ ପରଠାରୁ ବୁମ୍ରା କ୍ରମାଗତ ଭାବରେ ପ୍ରାଧାନ୍ୟ ବିସ୍ତାର କରିଆସୁଛି। ୨୦୧୯ ପରେ କୋହଲି ବୁମରାଙ୍କ ୨୯ଟି ବଲ୍ର ସମ୍ମୁଖୀନ ହୋଇ ୪୧ ରନ କରିଛନ୍ତି। କିନ୍ତୁ ବିରାଟ କୋହଲିଙ୍କ ଉଇକେଟ ମଧ୍ୟ ୪ ଥର ନେଇଛନ୍ତି। ୨୦୧୯ପରେ ବୁମରାଙ୍କ ବିପକ୍ଷରେ କୋହଲିଙ୍କ ହାରାହାରି ମାତ୍ର ୧୦.୨୫ ରହିଛି।
Since 2019 – Virat Kohli vs Jasprit Bumrah🌟
Runs – 41
Dismissals – 4
Average – 10.25Boom dominating superstar cricketers🫡#IPL2024 #MIvRCB #MIvsRCB #RCBvMI #RCBvsMI #RRvsGT pic.twitter.com/jtu9LFOx1H
— TCTV Cricket (@tctv1offl) April 11, 2024