ମୁମ୍ବାଇ: ଖିଲାଡି ବୟ ଅକ୍ଷୟ କୁମାର କରଣ ଜୋହରଙ୍କ ଶୋ’ ‘କଫି ଓ୍ବିଥ୍ କରଣ-୭’ରେ ନଜର ଆସିଥିଲେ। ଶୋ’ରେ ଅକ୍ଷୟ ମୁମ୍ବାଇର ଜୁହୁ ଅଞ୍ଚଳରେ ନିଜର ବିଳାସପୂର୍ଣ୍ଣ ବଙ୍ଗଳା କିଣିବାର ଏକ ରୋଚକ କାହାଣୀ କହିଥିଲେ। ନିର୍ଦ୍ଦେଶକ ରାଜକୁମାର କୋହଲିଙ୍କ ଫିଲ୍ମ ‘ଜାନି ଦୁଷ୍ମନ: ଏକ୍ ଅନୋଖୀ କହାନୀ’ ଶୁଟିଂ ସମୟରେ ସେ କିପରି ପର୍ଯ୍ୟାପ୍ତ ଅର୍ଥ ଅର୍ଜନ କରିଥିଲେ ସେ ବିଷୟରେ କହିଥିଲେ।
ଅକ୍ଷୟ କହିଥିଲେ, ମୁଁ ଇଣ୍ଡଷ୍ଟ୍ରିରେ ଟଙ୍କା ରୋଜଗାର କରିବାକୁ ଆସିଥିଲି। ମାର୍ଶଲ ଆର୍ଟ ଶିକ୍ଷା ପାଇଁ ୫ ହଜାର ଟଙ୍କା ରୋଜଗାର କରୁଥିଲି। ଦିନେ ମୁଁ ୨ ଘଣ୍ଟିଆ ବିଜ୍ଞାପନ ଶୁଟ୍ ପାଇଁ ୨୧ ହଜାର ଟଙ୍କା ପାଇଲି। ଭାବିଲି ମାର୍ଶଲ ଆର୍ଟ ଶିକ୍ଷା ଦେବା ପାଇଁ ମୋତେ ତାଲିମ ଦେଇ ମୁଁ କ’ଣ କରୁଛି? ଏଠାରେ ୨ ଘଣ୍ଟାରେ ଏତେ ଟଙ୍କା ରୋଜଗାର ହେଉଛି।
ସେ ଆହୁରି ମଧ୍ୟ କହିଥିଲେ। ଫିଲ୍ମ ‘ଜାନି ଦୁଷ୍ମନ’ରେ ମୁଁ ଦୈନିକ ମଜୁରୀରେ କାମ କରୁଥିଲି, ଏପରି ଏକ ସିନ୍ ଥିଲା, ଯେଉଁଥିରେ ଭିଲେନ ମୋତେ ହତ୍ୟା କରୁଛନ୍ତି ଏବଂ ମୁଁ ମରିଯାଉଛି। ମୁଁ ଜାଣିବାକୁ ପାଇଲି ଯେ, ଦ୍ୱିତୀୟ ହିରୋ ଯିଏ ଅଭିନୟ କରିବାକୁ ଯାଉଛନ୍ତି ସେ ନ୍ୟୁୟର୍କରେ ରହିଯାଇଛନ୍ତି ଏବଂ ଆସିବାକୁ ଅସମର୍ଥ। ଯାହା ମୋର ଅନସ୍କ୍ରିନ୍ ଟାଇମିଙ୍ଗକୁ ବଦଳାଇଦେଲା। ମୁଁ ନିର୍ଦ୍ଦେଶକଙ୍କ ନିକଟକୁ ଯାଇ ପଚାରିଲି ଆସନ୍ତାକାଲି ଠାରୁ ମୁଁ କାମକୁ ଆସବି କି ନାହିଁି? ଏହା ପରେ ନିର୍ଦ୍ଦେଶକ ଯାହା କରିଛନ୍ତି ତାହା ଆପଣ ବିଶ୍ୱାସ କରିବେ ନାହିଁ। ସେ ସଙ୍ଗେ ସଙ୍ଗେ କାହାଣୀକୁ ବଢ଼ାଇବାକୁ ସ୍ଥିର କଲେ ଏବଂ କହିଥିଲେ, ତୁମର ଚରିତ୍ର ମରି ନାହିଁ। ତୁମେ କୋମାରେ ପୁଣି ଜୀବିତ।
ଏହା ପରେ ଶୁଟିଂ ଆଉ ୫ ଦିନ ବଢ଼ାଇ ଦିଆଯାଇଥିଲା। ଏହିପରି ଭାବରେ ମୁଁ ଅଧିକ ଅର୍ଥ ଉପାର୍ଜନ କରିଥିଲି। ଯେଉଁଥିପାଇଁ ମୁଁ ଆଜି ରହୁଥିବା ଘର କିଣିବା ପାଇଁ ସକ୍ଷମ ହୋଇପାରିଥିଲି। ସବୁଠୁ ବଡ଼ କଥା ହେଉଛି ସନ୍ନି ଦେଓଲଙ୍କ ଯୋଗୁ ହିଁ ମୁଁ ମୁମ୍ବାଇରେ ଘର କିଣିବାର ସୌଭାଗ୍ୟ ପାଇଥିଲି। କାରଣ ତାଙ୍କର ଅସ୍ତ୍ରୋପଚାର ପାଇଁ ସେ ନ୍ୟୁୟର୍କରେ ଅଟକି ଯାଇଥିଲେ। ଯେଉଁଥିପାଇଁ ମୋ ଚରିତ୍ରକୁ ଆଉ କିଛିଦିନ ବଢ଼ାଇ ଦିଆଯାଇଥିଲା। ଏହା ବଦଳରେ ଅଧିକ ପାରିଶ୍ରମିକ ପାଇଥିଲି।