ସାଧାରଣତଃ ଜଣେ ବ୍ୟକ୍ତି ଯଦି ନିଜ କାମ ପ୍ରତି ବିଶ୍ୱସ୍ତ ଥାନ୍ତି, ତେବେ ସେ ଛୁଟି ନେବା କଥା ଆଦୌ ଭାବନ୍ତି ନାହିଁ। ଯେଉଁ କାମ ପାଇଁ ସେ ଉତ୍ସର୍ଗୀକୃତ, ପ୍ରଥମେ ସେହି କାମ ପ୍ରତି ଧ୍ୟାନ ଦେଇଥାନ୍ତି। ଏମିତି ଜଣେ ବ୍ୟକ୍ତି ଆମେରିକାର ଲାସ ଭେଗାସରେ ଅଛନ୍ତି, ଯିଏ କି ୨୭ ବର୍ଷ ଚାକିରି ମଧ୍ୟରେ ଥରୁଟିଏ ବି ଛୁଟି ନେଇ ନାହାଁନ୍ତି। ବର୍ଗର କିଙ୍ଗ ଫୁଡ୍ କମ୍ପାନୀରେ କାର୍ଯ୍ୟ କରୁଥିବା ଏହି ବ୍ୟକ୍ତିଙ୍କୁ ଏକ ବଡ଼ ଉପହାର ମଧ୍ୟ ମିଳିଛି। ତାଙ୍କୁ କମ୍ପାନୀ ମ୍ୟାନେଜମେଣ୍ଟ ପକ୍ଷରୁ ହମ୍ବଲ୍ ଗୁଡ୍ ବ୍ୟାଗ୍ ମିଳିଛି।
ଆମେରିକାର ଲାସ ଭେଗାସର କେଭିନ୍ ଫୋର୍ଡ ବର୍ଗର କିଙ୍ଗର ଜଣେ ବିଶ୍ୱସ୍ତ କର୍ମଚାରୀ ଭାବେ ଜଣାଶୁଣା। ୨୭ ବର୍ଷ ଚାକିରି ମଧ୍ୟରେ ସେ ଗୋଟିଏ ଦିନ ଛୁଟି ନେଇ ନାହାଁନ୍ତି। ତାଙ୍କୁ ମ୍ୟାନେଜମେଣ୍ଟରୁ ‘ହମ୍ବଲ୍ ଗୁଡ୍ ବ୍ୟାଗ୍’ ଦିଆଯିବା ପରେ ଏହା ରାତାରାତି ଷ୍ଟାର ପାଲଟିଯାଇନ୍ତି। ୫୪ ବର୍ଷୀୟ କେଭିନ୍ ୧୯୯୫ରୁ ବର୍ଗର କିଙ୍ଗରେ କ୍ୟାସିଅର ଭାବରେ କାର୍ଯ୍ୟ କରୁଛନ୍ତି। କମ୍ପାନୀରେ ତାଙ୍କର ୨୭ତମ ବାର୍ଷିକୀ ଅବସରରେ ତାଙ୍କୁ ମୁଭି ଟିକେଟ, ଷ୍ଟାରବକ୍ସ କପ, ଚକୋଲେଟରେ ପରିପୂର୍ଣ୍ଣ ବ୍ୟାକପ୍ୟାକ୍ ପ୍ରଦାନ କରାଯାଇଥିଲା।
ଉପହାର ଗ୍ରହଣ କରିବା ପରେ ସେ କମ୍ପାନୀ ଏବଂ ସହକର୍ମୀମାନଙ୍କୁ ଧନ୍ୟବାଦ ଜଣାଇବାର ଏକ ଭିଡିଓ ଭାଇରାଲ ହୋଇଥିଲା। ପରବର୍ତ୍ତୀ ସମୟରେ କେଭିନଙ୍କ ଝିଅ ପିତାଙ୍କ ପାଇଁ ଏକ GoFundMe ପେଜ୍ ଖୋଲି କରି ପ୍ରାୟ ୨୦୦ ଡଲାର୍ ପାଣ୍ଠି ସଂଗ୍ରହ କରିବାକୁ ଚେଷ୍ଟା କରିଥିଲେ। ଏପର୍ଯ୍ୟନ୍ତ ପାଖାପାଖି ୩୦୦,୦୦୦ ଡଲାର (୨.୩୬ କୋଟିରୁ ଅଧିକ) ଦାନରେ ଆସିଛି ଏବଂ ଏହି ସଂଖ୍ୟା ଏବେ ମଧ୍ୟ ବୃଦ୍ଧି ପାଉଛି।