ହାଭାନା,୨୧।୩: ମଧ୍ୟ ଆମେରିକା ଦେଶ କ୍ୟୁବାରେ ଶନିବାର ରାତ୍ର ୧୦ଟା ୬ରେ ଆକାଶରୁ ଏକ ଜଳନ୍ତା ଗ୍ରହପିଣ୍ଡ ପ୍ରଚଣ୍ଡ ଶବ୍ଦ କରି ଭୂପୃଷ୍ଠରେ ପଡ଼ିଛି। ଜଳନ୍ତା ଗ୍ରହପିଣ୍ଡର ଆଲୋକରେ ରାତି ବି ଦିନ ଭଳି ଆଲୋକିତ ହୋଇ ଉଠିଥିଲା। କୌଣସି କ୍ଷେପଣାସ୍ତ୍ର ଦ୍ୱାରା ଆକ୍ରମଣ ହୋଇଥିବା ନେଇ ଲୋକେ ଭୟରେ ଆତଙ୍କିତ ହୋଇ ସାରା ରାତି ଉଜାଗରରେ ବିତାଇଥିଲେ। ତେବେ ରବିବାର ସକାଳେ କ୍ୟୁବାର ନ୍ୟାଶନାଲ ସେସ୍ମୋଲୋଜିକାଲ ସର୍ଭିସ୍(ଏନ୍ଏସ୍ଏସ୍) ପକ୍ଷରୁ ଏହା ଏକ ଗ୍ରହପିଣ୍ଡ ବୋଲି ସୂଚନା ଦିଆଯାଇଛି। ଗ୍ରହପିଣ୍ଡ କ୍ୟୁବାର ବାୟୁମଣ୍ଡଳରେ ପ୍ରବେଶ କରିବା ପରେ ଭୟଙ୍କର ଭାବେ ଜଳି ଉଠିଥିଲା। ଶେଷରେ ଏହା ଭୂପୃଷ୍ଠରେ ଖସି ପଡ଼ିଥିବା ଏନ୍ଏସ୍ଏସ୍ କହିଛି। ୨୦୧୯ରେ ମଧ୍ୟ ଏଭଳି ଏକ ବଡ଼ ଗ୍ରହପିଣ୍ଡ ଏଠାରେ ଖସିଥିଲା। ସୂଚନାଯୋଗ୍ୟ,ଗତ ୮୦ ବର୍ଷ ମଧ୍ୟରେ କ୍ୟୁବାରେ ୧୦ଟି ଗ୍ରହଖଣ୍ଡ ଖସିଛି।
