ଖୁଣ୍ଟୁଣୀ,୫।୩(ଡି.ଏନ୍.ଏ.): ଶୁକ୍ରବାର ସକାଳେ ଅନୁଗୋଳରୁ ଭୁବନେଶ୍ୱର ଆସୁଥିବା ନିଶା ନାମକ ଏକ ଘରୋଇ ବସ୍ ଧକ୍କାରେ ଜଣେ ଯୁବକଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି। ସେହେଲେ କୁଳାଇଲ ପଞ୍ଚାୟତ ଇନ୍ଦ୍ରାଣୀପାଟଣା ଗ୍ରାମର ଟୁଟୁ ଓରଫ ପ୍ରଦୀପ ସାହୁ। ପ୍ରଦୀପ ସକାଳେ ଜଳଖିଆ ନେଇ ବାଇକ୍ରେ ଖୁଣ୍ଟୁଣୀରୁ ତାଙ୍କ ଦୋକାନକୁ ମଥୁରାପୁର ଯାଉଥିବା ବେଳେ ନିଶା ବସ୍ ନିର୍ମାଣାଧୀନ ୫୫ ନମ୍ବର ଜାତୀୟ ରାଜପଥର କୃଷ୍ଣଶ୍ୟାମପୁରଠାରେ ପ୍ରଦୀପ ଉପରେ ଚଢ଼ିଯାଇଥିଲା। ଉତ୍ତ୍ୟକ୍ତ ଲୋକେ ପହଞ୍ଚି ବସ୍କୁ ଭଙ୍ଗାରୁଜା କରିବା ସହ ପୋଲିସକୁ ଠେଲାପେଲା କରିଥିଲେ। ଦୀର୍ଘ ସମୟ ଯାଏ ରାସ୍ତା ଅବରୋଧ ହେବାରୁ ହଜାର ହଜାର ଯାନବାହନ ରାସ୍ତାରେ ଅଟକି ରହିଛି। ଚୌଦ୍ୱାର ଏସ୍ଡିପିଓ ପ୍ରଶାନ୍ତ ମଲ୍ଲ ଓ ଖୁଣ୍ଟୁଣୀ ଆଇଆଇସି ସୁଚିତ୍ରବିର୍ଯ୍ୟ ଦାସ ପହଞ୍ଚି ଲୋକଙ୍କୁ ବୁଝାଶୁଝା କରୁଛନ୍ତି।