ବ୍ରାସିଲିଆ,୨୨ା୧୨: ଏକ ଯାତ୍ରୀବାହୀ ବସ୍ ଟ୍ରକ୍କୁ ଧକ୍କା ଦେବା ପରେ ହୁତୁହୁତ ହୋଇ ରାସ୍ତାରେ ଜଳିଯାଇଛି। ଫଳରେ ୩୮ ଜଣଙ୍କ ମୃତ୍ୟୁ ଘଟିଥିବାବେଳେ ୯ ଜଣ ଗୁରୁତର ହୋଇଛନ୍ତି। ବ୍ରାଜିଲର ମିନାସ ଜେରାଇସ ରାଜ୍ୟରେ ଏହି ଭୟଙ୍କର ଦୁର୍ଘଟଣା ଘଟିଛି। ଅଧିକାରୀଙ୍କ କହିବାନୁସାରେ, ଦୁର୍ଘଟଣା ପରେ ଅନ୍ୟ ୧୩ ଜଣ ଆହତଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି। ତେବେ ବସ୍ଟି ସାଓ ପାଉଲୋରୁ ଯାଉଥିଲା ଓ ଏଥିରେ ୪୫ ଜଣ ଯାତ୍ରୀ ଥିବା କୁହାଯାଉଛି।
ଘଟଣାସ୍ଥଳରେ ଅଗ୍ନିଶମ ବିଭାଗ ଟିମ୍ ପହଞ୍ଚି ଉଦ୍ଧାରକାର୍ଯ୍ୟ କରିଛି। ଅଧିକାରୀଙ୍କ ସୂଚନାନୁଯାୟୀ, ଯେ ବସ୍ର ଚକା ଫାଟିଯିବାରୁ ଡ୍ରାଇଭର ନିୟନ୍ତ୍ରଣ ହରାଇଥିଲେ, ଫଳରେ ବସ୍ଟି ଯାଇ ଟ୍ରକ୍ ସହିତ ଧକ୍କା ହୋଇଥିଲା। କିଛି ପ୍ରତ୍ୟକ୍ଷଦର୍ଶୀ କହିଛନ୍ତି, ବସ୍ରେ ଗ୍ରାନାଇଟ ଖଣ୍ଡ ମାଡ଼ ହେବାରୁ ବସ୍ଟି ନିୟନ୍ତ୍ରଣ ହରାଇ ଟ୍ରକ୍ ସହ ପିିଟି ହୋଇଯାଇଥିଲା।