କୁଚିଣ୍ଡା,୧୯ା୬(ବିରଞ୍ଚି ଦର୍କା): ସମ୍ବଲପୁର ଜିଲା କୁଚିଣ୍ଡାରୁ ବଣାଇ ଯାଉଥିବା ଏକ ଘରୋଇ ବସ୍ ଧକ୍କାରେ ଜଣେ ମହିଳା ଗୁରୁତର ହୋଇ କୁଚିଣ୍ଡା ମେଡିକାଲରେ ଚିକିତ୍ସିତ ହେଇଛନ୍ତି। ମା’ ଲକ୍ଷ୍ମୀ ନାମକ ଘରୋଇ ବସ୍ ପୁରୁଣା ବସ୍ଷ୍ଟାଣ୍ଡରୁ ଯାତ୍ରୀଙ୍କୁ ଧରି ବଣାଇ ଅଭିମୁଖେ ବାହାରିଥିଲା। ପେଟ୍ରୋଲ ପମ୍ପ ନିକଟ ଫରେଷ୍ଟ ଅଫିସ ସମ୍ମୁଖରେ ବସ୍ ସହ ଏକ ବାଇକ୍ (ନଂ-ଓଡି ୧୫ସି୨୫୫୦) ମଧ୍ୟରେ ଧକ୍କା ହୋଇଥିଲା। ଫଳରେ ବାଇକ୍ ଆରୋହୀ ସାତକମା ଗ୍ରାମର ସୌଭାଗ୍ୟ ଭଞ୍ଜ(୫୫) ସାମାନ୍ୟ ଆହତ ହୋଇଥିବା ବେଳେ ବାଇକ୍ ପଛରେ ବସିଥିବା ମହିଳା ଲଲାଟେନ୍ଦୁ ପଟେଲ (୫୮) ଗୁରୁତର ହୋଇଛନ୍ତି। ତାଙ୍କ ଅଣ୍ଟା, ଗୋଡ଼ ଓ ମୁହଁରେ ଆଘାତ ଲାଗିଛି। କୁଚିଣ୍ଡା ପୋଲିସ ତାଙ୍କୁ ଉଦ୍ଧାର କରି କୁଚିଣ୍ଡା ମେଡିକାଲରେ ଭର୍ତ୍ତି କରିଛି। ବାଇକ୍ ଆରୋହୀମାନେ କୁଚିଣ୍ଡା ଥାନା ସାତକମା ଗ୍ରାମର ବୋଲି ଜଣାପଡିଛି। ପୋଲିସ ଏକ ମାମଲା ରୁଜୁ କରି ବସ୍କୁ ଜବତ କରି ତଦନ୍ତ କରୁଛି।