ବାରିପଦା ଅଫିସ,୩ା୪: ବାରିପଦା-ଉଦଳା ରାସ୍ତାର କୃଷ୍ଣଚନ୍ଦ୍ର ଗୋଲାଇଠାରେ ସୋମବାର ଦୁଲାରୀ ନାମକ ଏକ ଯାତ୍ରୀବାହୀ ବସ୍ ସ୍କୁଟିକୁ ଧକ୍କା ଦେବାରୁ ଜଣେ ଯୁବତୀଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଯୁବତୀ ଆହତ ହୋଇଛନ୍ତି। ମୃତ ଯୁବତୀ ଜଣଙ୍କ ହେଲେ ରଶ୍ମିତା ବେହେରା। ସେ ଡାକ ବିଭାଗରେ କାର୍ଯ୍ୟ କରନ୍ତି। ଆହତ ଯୁବତୀ ଜଣକ ହେଲେ କ୍ରାନ୍ତିପ୍ରଭା ମହାପାତ୍ର । ଉଭୟଙ୍କ ଘର କପ୍ତିପଦା ଥାନା ବଡଶୋଳ ଗ୍ରାମରେ। ଉଭୟଙ୍କୁ ସଙ୍ଗେ ସଙ୍ଗେ ପିଆରଏମ୍ ମେଡିକାଲ କଲେଜ ଓ ହସ୍ପିଟାଲକୁ ଆଣିଥିଲେ ହେଁ ରଶ୍ମିତାଙ୍କୁ ଡାକ୍ତର ମୃତ ଘୋଷଣା କରିଛନ୍ତି। ଅନ୍ୟ ଆହତ ଯୁବତୀଙ୍କ ଚିକିତ୍ସା ଜାରି ରହିଛି। ଟାଉନ ଥାନା ପୋଲିସ ଏକ ଦୁର୍ଘଟଣା ମାମଲା ରୁଜୁ କରି ମୃତଦେହ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଚଳାଇଛି।
