ନବାରଙ୍ଗପୁର,୨୭।୯(ସଦାଶିବ ପ୍ରହରାଜ): ନବରଙ୍ଗପୁର ଜିଲା ଚନ୍ଦାହାଣ୍ଡି – ଝରିଗାଁ ଘାଟି ରାସ୍ତାରେ ବସ୍ ଓଲଟି ଜଣେ କ୍ରୀଡା ଶିକ୍ଷକଙ୍କ ମତ୍ୟୁ ଘଟିଛି । ମୃତ କ୍ରୀଡା ଶିକ୍ଷକ ହେଉଛନ୍ତି ଉମରକୋଟ ସ୍ବାମୀ ବିବେକାନନ୍ଦ ହାଇସ୍କୁଲର ପ୍ରଭାସ କୁମାର ଜେନା । ଚନ୍ଦାହାଣ୍ଡିରେ ନବରଙ୍ଗପୁର ଜିଲା ବିଦ୍ୟାଳୟ ସମୂହ ଖେଳ ଓ ଦୌଡ଼ ପ୍ରତିଯୋଗୀତାରେ ଯୋଗ ଦେବାକୁ ବିଭିନ୍ନ ହାଇସ୍କୁର ଛତ୍ରୀଛାତ୍ରଙ୍କୁ ନେଇ ଉମରକୋଟରୁ ବସ୍ ଚନ୍ଦାହାଣ୍ଡି ଯାଉଥିଲା। ଘାଟିରେ ଭାରସାମ୍ୟ ହରାଇ ବସ୍ଟି ଓଲଟି ପଡିଥିଲା। ଏଥିରେ କ୍ରୀଡା ଶିକ୍ଷକ ପ୍ରଭାସଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ୧୭ ଜଣ ଛାତ୍ରୀଛାତ୍ର ଗୁରୁରୁତର ଥିବା ଖବର ମିଳିଛି । ଜିଲାପାଳ କମଳ ଲୋଚନ ମିଶ୍ର ଝରିଗାଁ ବିଡ଼ିଓ, ପୋଲିସ ଓ ଅଗ୍ନିଶମ ବିଭାଗକୁ ଘଟଣାସ୍ଥଳକୁ ପଠାଇଛନ୍ତି । ଉଦ୍ଧାର କାର୍ଯ୍ୟ ଜାରି ରହିଛି ।
