ପୁରୀ ଅଫିସ,୨୨।୭: କୋଣାର୍କ-ଭୁବନେଶ୍ୱର ଓ କାକଟପୁର-ଭୁବନେଶ୍ୱରକୁ ମୋ ବସ୍ ସେବା ସହ ସମସ୍ତ ଯାତ୍ରୀବାହୀ ବସ୍ ସେବା ବନ୍ଦ ରହିଛି। କୋଣାର୍କ ଓ ନିମାପଡା ଘରୋଇ ବସ୍ ମାଲିକ ସଂଘ ପକ୍ଷରୁ ଅର୍ନିଦ୍ଦିଷ୍ଟ କାଳ ପାଇଁ ଘରୋଇ ବସ୍ ସେବା ବନ୍ଦ ରଖିବା ସହ ମୋ ବସ୍କୁ ମଧ୍ୟ ବସ୍ଷ୍ଟାଣ୍ଡରେ ଅଟକ ରଖାଯାଇଛି।
ବସ ସଂଘ ଅଭିଯୋଗ ଅନୁଯାୟୀ, ୬ଟି ମୋ ବସ୍ ପର୍ଯ୍ୟାୟ କ୍ରମେ ଭୁବନେଶ୍ୱର ମାଷ୍ଟରକ୍ୟାଣ୍ଟିନରୁ କୋଣାର୍କ ଆସୁଛି। ତାର ଗୋଟିଏରୁ ୨ ମିନିଟ୍ ବ୍ୟବଧାନରେ ଘରୋଇ ବସ୍ଗୁଡ଼ିକ ଭୁବନେଶ୍ୱରରୁ କୋଣାର୍କ ଆସୁଛି। ହେଲେ ଅଧିକ ସଂଖ୍ୟାରେ ଯାତ୍ରୀମାନେ ମୋ ବସ୍ରେ ଯାଉଥିବା ବେଳେ କମ୍ ସଂଖ୍ୟକ ଯାତ୍ରୀ ଘରୋଇ ବସ୍ରେ ଯାତାୟତ କରୁଛନ୍ତି। ଯାହାକୁ ନେଇ ଘରୋଇ ବସ୍ ମାଲିକ ସଂଘ ପକ୍ଷରୁ ବସ୍ ସେବା ବନ୍ଦ କରାଯାଇଛି।