ମୋଣ୍ଟେଭିଡିଓ,(୦୭):ପୂର୍ବତନ ମିସ ୱାଲର୍ଡ ପ୍ରତିଯୋଗୀ ଶେରିକା ଦେ ଅର୍ମାସଙ୍କ ଦେହାନ୍ତ ହୋଇଛି। ସେ ୨୦୧୫ରେ ମିସ ୱାଲର୍ଡ ପ୍ରତିଯୋଗିତାରେ ଉରୁଗୁଏର ପ୍ରତିନିଧିତ୍ୱ କରିଥିଲେ। ଶେରିକା ଦେ ଅର୍ମାସ ଗର୍ଭାଶୟ କ୍ୟାନସର୍ ଯୁଦ୍ଧରେ ହାରିଯାଇଥିଲେ। ଅକ୍ଟୋବର ୧୩ରେ ୨୬ ବର୍ଷ ବୟସରେ ମୃତ୍ୟୁବରଣ କରିଥିଲେ। ଅର୍ମାସ କେମୋଥେରାପି ଏବଂ ରେଡିଓଥେରାପି ଚିକିତ୍ସା ମଧ୍ୟ କରିଥିଲେ। ଶେରିକା ଅର୍ମାସଙ୍କ ମୃତ୍ୟୁ ଖବର ତାଙ୍କ ପ୍ରଶଂସକଙ୍କୁ ଚକିତ କରିଦେଇଛି ଏବଂ ଉରୁଗୁଏ ଏବଂ ସାରା ବିଶ୍ୱରେ ଶୋକର ଛାୟା ଖେଳିଯାଇଛି। ୨୦୧୫ରେ ଚାଇନାରେ ଅନୁଷ୍ଠିତ ମିସ ୱାଲର୍ଡ ପ୍ରତିଯୋଗିତାରେ ୨୬ ବର୍ଷୀୟ ଶେରିକା ଦେ ଅର୍ମାସ ଭାଗ ନେଇଥିଲେ।