ଓ୍ବାଶିଂଟନ,୧୬।୧୨: ପୃଥିବୀରେ କରୋନା ଆତଙ୍କ ଜାରି ରହିଛି। ଏପରିସ୍ଥଳେ କରୋନା ପ୍ରତିଷେଧକ ଟିକାଦାନ ନେଇ ଯୋଜନା ପ୍ରସ୍ତୁତି ଆରମ୍ଭ ହୋଇଛି। ତେବେ ୨୦୨୨ ସୁଦ୍ଧା ପୃଥିବୀର ଏକ ଚତୁର୍ଥାଂଶ ଲୋକଙ୍କ ପାଖରେ କରୋନା ଟିକା ପହଞ୍ଚିପାରିବ ନି ବୋଲି ଏକ ସର୍ଭେ ରିପୋର୍ଟରେ ଉଲ୍ଲେଖ କରାଯାଇଛି। ‘ଦ ବିଏମ୍ଜେ’ ପକ୍ଷରୁ ହୋଇଥିବା ସର୍ଭେ ରିପୋର୍ଟରେ ଏହା ପ୍ରକାଶିତ ହୋଇଛି। ପୃଥିବୀର ୩୭୦ କୋଟି ବୟସ୍କଙ୍କୁ ଟିକାଦାନ କରାଯିବା ଆବଶ୍ୟକ ବୋଲି ଏଥିରେ ଦର୍ଶାଯାଇଛି। ଟିକାଦାନ କରାଯିବା ପ୍ରକ୍ରିୟା ବୈଜ୍ଞନିକ ଏବଂ ପରିଚାଳନା ଅଧିକାରୀଙ୍କ ପାଇଁ ଆହ୍ବାନମୂଳକ ହେବାର ଯଥେଷ୍ଟ ସମ୍ଭାବନା ଥିବା ଏଥିରେ କୁହାଯାଇଛି। ୫୧ ପ୍ରତିଶତ ଟିକା ପୃଥିବୀର ଧନୀ ଦେଶକୁ ମିଳିବ। ଅପରପକ୍ଷରେ ୧୪ ପ୍ରତିଶତ ଟିକା ଗରିବ ଏବଂ ମଧ୍ୟମ ବର୍ଗର ଦେଶଙ୍କୁ ମିଳିବ। ପୃଥିବୀର ୮୫ ପ୍ରତିଶତ ଜନସଂଖ୍ୟା ଗରିବ ଏବଂ ମଧ୍ୟମ ବର୍ଗର ଦେଶରେ ବାସ କରିଥାନ୍ତି। ମାତ୍ର ଏଭଳି ଦେଶଙ୍କୁ କମ୍ ସଂଖ୍ୟକ ଟିକା ମିଳିବ ବୋଲି ଆମେରିକାର ଜନ୍ସ୍ ହପକିନ୍ସ୍ ବ୍ଲମ୍ବର୍ଗ ସ୍କୁଲ ଅଫ୍ ପବ୍ଲିକ୍ ହେଲଥ୍ ପକ୍ଷରୁ କୁହାଯାଇଛି।