ପାରଳାଖେମୁଣ୍ଡି,୧୦ା୪(ଗିରିଧାରୀ ପରିଚ୍ଛା): ଗଜପତି ଜିଲା ସଦର ମହକୁମା ପାରଳାଖେମୁଣ୍ଡି ସହରରେ କିଛି ଦିନ ବ୍ୟବଧାନ ପରେ ପୁଣି ଚୋରି ଘଟଣା ସାମନାକୁ ଆସିଛି । ପାରଳା ସହରର ଓମ୍ ଶାନ୍ତି କଲୋନୀ(୪)ରେ ମଙ୍ଗଳବାର ବିଳମ୍ବିତ ରାତିରେକେଶବ ପ୍ରଧାନଙ୍କ ଘରେ ଦୁର୍ବୃତ୍ତମାନେ କଳାକନା ବୁଲାଇଛନ୍ତି।
ସୂଚନାଯୋଗ୍ୟ, କେଶବ ଓ ତାଙ୍କ ଭଉଣୀ ସେଠାରେ ଏକ ଭଡ଼ା ଘରେ ରହୁଥିଲେ। କେଶବଙ୍କ ଭଉଣୀ କୌଣସି ଏକ କାମରେ ନିଜ ଗ୍ରାମ ପୁରୁଷୋତ୍ତମପୁର ଯାଇଥିବା ବେଳେ କେଶବ ବିଳମ୍ବିତ ରାତିରେ ଦଣ୍ଡକାଳୀ ନାଟ ଦେଖିବା ପାଇଁ ସ୍ଥାନୀୟ ହାଟପଦା ଯାଇଥିଲେ। ନାଟ ସରିବା ପରେ ସେ ଭୋର୍ ସମୟରେ ଘରକୁ ଫେରିବା ବେଳେ ଦେଖିବାକୁ ପାଇଲେ ଯେ, ଘର କବାଟ ବାହାର ପଟୁ ଖୋଲା ହୋଇ କୌଣସି ଦୁର୍ବୁତ୍ତ ତାଙ୍କ ଘରେ ଥିବା ୭ ଭରି ସୁନା ଗହଣା ସହ ବହୁ ମୂଲ୍ୟବାନ ସାମଗ୍ରୀ ଚୋରି କରିନେଇଛନ୍ତି। ଘରର ତାଲା ଭାଙ୍ଗି ଆଲମାରୀ ତାଡ଼ି ଦୁର୍ବୃତ୍ତମାନେ ଚୋରି କରିଥିବା ଜଣାପଡ଼ିଛି।
ସଙ୍ଗେ ସଙ୍ଗେ ପାରଳାଖେମୁଣ୍ଡି ଆଦର୍ଶ ଥାନାରେ ଏକ ଲିଖିତ ଅଭିଯୋଗ କରିବା ପରେ ଘଟଣାସ୍ଥଳରେ ପୋଲିସ୍ ଓ ସାଇଣ୍ଟିଫିକ ଟିମ୍ ପହଞ୍ଚି ସିସିଟିଭି ଫୁଟେଜ୍କୁ ଆଧାର କରି ତଦନ୍ତ ଆରମ୍ଭ କରିଛି।
