ଆଜିକାଲି ସମୟରେ ପଇସା ବିନା କିଛି ବି କରିବା ସମ୍ଭବ ନୁହେଁ। କାହିଁକିନା ପ୍ରତ୍ୟେକ ଛୋଟ ବଡ଼ ଆବଶ୍ୟକତା ପୂରଣ ଲାଗି ଧନ ଲୋଡା। ହିନ୍ଦୁ ଧର୍ମରେ ଲକ୍ଷ୍ମୀଙ୍କୁ ଧନର ଦେବୀ ବୋଲି କୁହାଯାଇଥାଏ। ସମସ୍ତେ ତାଙ୍କୁ ପ୍ରସନ୍ନ କରିବା ଲାଗି ଅନେକ ଉପାୟ ଅବଲମ୍ବନ କରିଥାନ୍ତି। ଚାଣକ୍ୟ ନୀତି ଅନୁଯାୟୀ ଏପରି ଦୁଇଟି କାର୍ଯ୍ୟ ରହିଛି, ଯାହା କଲେ ଲକ୍ଷ୍ମୀ ରାଗି ଯାଇଥାନ୍ତି। ଜାଣନ୍ତୁ:-
କ୍ରୋଧ: ଚାଣକ୍ୟ ନୀତି ଅନୁଯାୟୀ କ୍ରୋଧ ପ୍ରତ୍ୟେକ ବ୍ୟକ୍ତିର ସବୁଠାରୁ ବଡ଼ ଶତ୍ରୁ। ଯେଉଁ ବ୍ୟକ୍ତି ରାଗିଥାଏ ତାର ସବୁକିଛି ନଷ୍ଟ ହୋଇଯାଇଥାଏ। ସେ ଯେତେ ଜ୍ଞାନୀ ହେଉ ନା କାହିଁ ତାକୁ ନିଜ ରାଗ ଉପରେ ନିୟନ୍ତ୍ରଣ ରଖିବା ଉଚିତ। ନଚେତ ସେ ନିଜର କ୍ଷତି କରିଥାଏ। କ୍ରୋଧ କରୁଥିବା ବ୍ୟକ୍ତି ପାଖରେ ଲକ୍ଷ୍ମୀ ରୁହନ୍ତି ନାହିଁ। ଏଣୁ ବ୍ୟକ୍ତିଙ୍କୁ ନିଜର ଏହି ଅଭ୍ୟାସ ବଦଳାଇବାକୁ ଚେଷ୍ଟା କରିବା ଉଚିତ।
ଅହଙ୍କାର: ଚାଣକ୍ୟ କୁହନ୍ତି ଅହଙ୍କାର ଏପରି ଏକ ଗୁଣ ଯାହା ବ୍ୟକ୍ତିକୁ ଧିରେ ଧିରେ ପତନ ଆଡ଼କୁ ନେଇ ଯାଇଥାଏ। ଅହଙ୍କାରୀ ବ୍ୟକ୍ତି ସହ କେହି ବି ରହିବାକୁ ପସନ୍ଦ କରି ନ ଥାନ୍ତି। ଯେଉଁ ଲୋକଙ୍କ ମନରେ ଅହଙ୍କାର ଆସିଥାଏ ସେମାନେ ନିଜକୁ ଶ୍ରେଷ୍ଠ ଏବଂ ଅନ୍ୟକୁ ଦୁର୍ବଳ ବୋଲି ମନେ କରିଥାନ୍ତି। ଏମାନଙ୍କ ଚିନ୍ତା କରିବା ଶକ୍ତି ଧିରେ ଧିରେ ନଷ୍ଟ ହୋଇଯାଇଥାଏ। ଅହଙ୍କାରୀ ବ୍ୟକ୍ତି ଠିକ୍ ଏବଂ ଭୁଲ ଜାଣିପାରେ ନାହିଁ। ଏଥିପାଇଁ ତାକୁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡ଼ିଥାଏ। ଏଭଳି ବ୍ୟକ୍ତି ଉପରେ ଲକ୍ଷ୍ମୀ କ୍ରୋଧିତ ହୋଇଥାନ୍ତି।
ଚାଣକ୍ୟଙ୍କ ମୁତାବକ କ୍ରୋଧ, ଅହଙ୍କାର ଛାଡ଼ି ସକାଳେ ବିଳମ୍ବରେ ଉଠିବା, ଘର ଅପରିଷ୍କାର ରଖିବା, ଅଧିକ ଖାଇବା ଏବଂ ଅନ୍ୟକୁ କଟୁ କଥା କହୁଥିବା ଅଭ୍ୟାସ ବହୁତ ଖରାପ। ଏଭଳି ଲୋକ ପାଖରେ ସବୁବେଳେ ଟଙ୍କା ପଇସାର ଅଭାବ ପରିଲକ୍ଷିତ ହୋଇଥାଏ।