ମୁମ୍ବାଇ,୨।୧୧ : ଗୁରୁବାର ନଭେମ୍ବର ୩ରେ ମୁମ୍ବାଇର ଅନ୍ଧେରୀ ଇଷ୍ଟ ବିଧାନସଭା ନିର୍ବାଚନମଣ୍ଡଳୀର ଉପ-ନିର୍ବାଚନ ପାଇଁ ମତଦାନ ହେବ। ଭାଜପାର ପ୍ରାର୍ଥୀ ପ୍ରତ୍ୟାହାର ପରେ ଏହା କେବଳ ଏକ ଔପଚାରିକତା। ଉଦ୍ଧବ ଠାକରେଙ୍କ ଦଳ ଶିବସେନାର ପ୍ରାର୍ଥୀ ଋତୁଜା ଲଟକେ ବିଜୟୀ ହେବେ ବୋଲି ଆଶା କରାଯାଉଛି।
ଋତୁଜାଙ୍କ ବିରୋଧରେ ୬ ଜଣ ପ୍ରାର୍ଥୀ ଛିଡା ହୋଇଛନ୍ତି। ସେଥିମଧ୍ୟରୁ ଚାରିଜଣ ସ୍ବାଧୀନ। ଏନସିପି ଏବଂ କଂଗ୍ରେସ ଋତୁଜାଙ୍କ ପ୍ରାର୍ଥୀତ୍ୱକୁ ସମର୍ଥନ କରିଛନ୍ତି। ଋତୁଜାଙ୍କ ସ୍ବାମୀ ଶିବସେନା ବିଧାୟକ ରମେଶ ଲଟକେଙ୍କ ମୃତ୍ୟୁ ଯୋଗୁ ଖାଲି ପଡ଼ିଥିବା ଏହି ଆସନରେ ଉପ-ନିର୍ବାଚନ ଅନୁଷ୍ଠିତ ହେଉଛି।