ଚାନ୍ଦବାଲି,୫।୧୧(ଡି.ଏନ୍.ଏ.): ଭଦ୍ରକ ଜିଲା ଚାନ୍ଦବାଲି ବ୍ଲକ ମାଧପୁର ପଞ୍ଚାୟତରେ ସମିତି ସଭ୍ୟ ଉପନିର୍ବାଚନର ଅଙ୍କକଷା ଶେଷ ହୋଇଛି। ଭାଜପା ସମର୍ଥିତ ସମିତି ସଭ୍ୟ ଭାବେ ସବିତା ବିଶ୍ୱାଳ ୧୦୦ ଭୋଟ ବ୍ୟବଧାନରେ ବିଜୟୀ ହୋଇଛନ୍ତି। ମାଧପୁର ପଞ୍ଚାୟତର ବିଜେଡି ସମର୍ଥିତ ସମିତି ମେମ୍ବର ପ୍ରାର୍ଥିନୀ ବର୍ଷାରାଣୀ ମହାକୁଡ଼ଙ୍କ ସପକ୍ଷରେ ୧୩୬୨ ଖଣ୍ଡ ଭୋଟ ଯାଇଥିବା ବେଳେ ଭାଜପା ସମର୍ଥିତ ପ୍ରାର୍ଥିନୀ ସବିତା ବିଶ୍ୱାଳ ୧୪୬୨ ଖଣ୍ଡ ଭୋଟ ପାଇ ୧୦୦ ଭୋଟ ବ୍ୟବଧାନରେ ବିଜୟୀ ହୋଇଛନ୍ତି। କଂଗ୍ରେସ ଦଳ ସମର୍ଥିତ ପ୍ରାର୍ଥିନୀ ସୁଭଦ୍ରା ଦାସ ୯୦ ଖଣ୍ଡ ଭୋଟ ଓ ସ୍ବାଧୀନ ପ୍ରାର୍ଥିନୀ ଆଶା ସାହୁ ମୋଟ ୨୩ ଖଣ୍ଡ ଭୋଟ ପାଇଛନ୍ତି। ପୂର୍ବରୁ ଏଠାରେ ବିଜେଡି ସମର୍ଥକ ବିଜୟୀ ହୋଇଥିଲେ।