ମୁମ୍ବାଇ,୧୩।୬: ଡ୍ରଗ୍ସ୍ ଚୋରା କାରବାରର ପର୍ଦ୍ଦାଫାଶ୍ ମୁମ୍ବାଇରେ ହୋଇଛି। ଏନ୍ସିବି ପକ୍ଷରୁ ଏନେଇ ତନାଘନା ଆରମ୍ଭ ହୋଇଛି। ଅଭିଯୁକ୍ତମାନେ କେକ୍ ଏବଂ ପେଷ୍ଟ୍ରିରେ ଡ୍ରଗ୍ସ୍ ମିଶାଇ ବିକ୍ରି କରୁଥିବା ଅଭିଯୋଗ ହୋଇଛି। ମୁମ୍ବାଇର ମଲାଦ୍ଠାରେ ଥିବା ଏକ ବେକରିରେ ଚଢ଼ାଉ ସମୟରେ ଡ୍ରଗ୍ସ୍ କାରବାରର ନୂଆ ମାଧ୍ୟମ ସମ୍ପର୍କରେ ଜଣାପଡ଼ିଛି। ସହରରେ ଏଭଳି କେତେ ବେକରି ରହିଛି ସେ ନେଇ ଖୋଳତାଡ଼ ଆରମ୍ଭ ହୋଇଛି। ପ୍ରଥମ ଥର ପାଇଁ ଏଭଳି ଡ୍ରଗ୍ସ୍ କାରବାର ସମ୍ପର୍କରେ ଜଣାପଡ଼ିଛି। ଘଟଣାସ୍ଥଳରୁ ୧୬୦ ଗ୍ରାମ୍ ଗଞ୍ଜେଇ ଜବତ ହୋଇଛି। କେକ୍ ଏବଂ ପେଷ୍ଟ୍ରିରେ ଡ୍ରଗ୍ସ୍ ମିଶାଇ ବିକ୍ରି ର଼୍ୟାକେଟ୍ର ମାଷ୍ଟର ମାଇଣ୍ଡ୍ କିଏ ଏବଂ କେଉଁମାନେ ଗ୍ରାହକ ସେନେଇ ତଦନ୍ତ ଜାରି ରହିଛି। ଏନ୍ସିବି ପକ୍ଷରୁ ୨ ଜଣଙ୍କୁ ଗିରଫ କରାଯାଇ ପଚରା ଉଚରା କରାଯାଉଛି।